MATIUS 18:12 - Tanou Moonsoi Timugon

¹² “Amon ru sangulun mokoondo' maatus ngainan domba am sanginan intor ra maatus ni natatak, atan boo alapon ru tatangan ra domba ti? Sala' ka kia tatangon no siam ngoopor am siam domba no mongkotop ra bulur am ongoi uyumo' sanginan i.

MATIUS 18:12 ပူးပေါင်းရင်းမြစ်များ

1 RAJA'-RAJA' 21:17

Kopongo raginio indagu Tuhan ri Ilia, nabi intor ra Tisbi no,

MAZMUR 119:176

Tumanggau aku koson ra domba nakalayau; am ratong no paguyum ra ulipon Mutu, sabap ra kalo lilianin ku ukum Muno.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

YEHEZKIEL 34:28

Bansa'-bansa' ondo' kalo nakaulig Raki' kalo boo mongoi pantakou ra ulun Kuno, am bibiag masigo pana kalo mamatoi am mangakan risilo. Moonsoi kaayagan nilo, am kolondo' osoi pana mampalalaa' risilo.

YEHEZKIEL 34:4

Kalo babason min ondo' malawo, kapoam mamabas ra ondo' marualan, kapoam mamangkos ra ondo' napilat, kapoam magibit muli' ondo' nakalayau kapoam maguyum ra ondo' natatak. Kaa' malaat boo pamakuan min ra ngaangai' domba no.

YEHEZKIEL 34:6

Domba-domba Kuno pana timinanggau boo ra bulur am gunung, nantutuliar ra tana' ti. Kolondo' sangulun pana naguyum kapoam minirot koson mokoowot ra domba-domba no.

MATIUS 12:11

Taam i Jisus, “Ati kulaan no amon ru sangulun intor ramuyun mokoondo' sanginan domba ondo' naratu' ralalom ru luang paat ra orou Sabat? Sala' ka kia guuton am paingkualon min io intor ra luang no?

MATIUS 18:13

Balain takamin: Paat ra nakito no saguli' sanginan ti, maringkuanang io toojo ra sanginan i, intor ra siam ngoopor am siam ondo' kalo timinanggau.

MATIUS 21:28

“Raino ti ati kulaan pamaguangan min ra baal ragitio?” ragu ri Jisus poyo. “Mokoondo' sangulun ama' ondo' mokoondo' ruo anak ungkuyon. Ama' ti panusub ra katuaan ti, ‘Ongoi no pangandoi ra umo ru anggur ra orou raiti'.’

MATIUS 22:42

“Atan kia pampaguangan min ra Mamamayag ondo' sinusub ri Aki Kapuuno'? Papag ru osoi kia Io ti?” Taam ilo, “Papag ru raja' Daut!”

1 KORINTUS 10:15

Mindagu aku toojo ramuyun koson ra akau ti ulun matanda'. Guango' min noyo galama' rinagu kutu.

1 PITRUS 2:25

Ragili, koson kau ra domba ondo' timinanggau, kaa' raino inibit kano sumaguli' koson maya' kau ra Magagalung am Mangngampin min.