MATIUS 17:6 - Tanou Moonsoi Timugon

⁶ Paat ra maamaya'-maamaya' Nano nokorongog ra bolos no, nalaa' ilo kaga', saboi nakakubu ilo ra tana'.

MATIUS 17:6 ပူးပေါင်းရင်းမြစ်များ

2 PITRUS 1:18

Akai galama' nakaining ra bolos intor ra suruga' paat akai nababaya' Riso giu' ra gunung matulai.

RINALATAN 26:14

Laub akai boo ngaangai'. Mokobolos norongog ku minindagu raki' ra ragu Ibrani, kono, ‘Saulus, Saulus! Kua pangimbolo' kou Raki'? Marualan kou ayuk galama' amon ru manggal kou niayuk Raki'.’

RINALATAN 22:7

Ginio ra laub aku ak boo ra tana' am nokorongog aku rondo' bolos minindagu raki', ‘Saulus, Saulus! Kua kia imboloo' mu Aku?’

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

YEHEZKIEL 43:3

Pinaintalang ragitio nogondo' koson ondo' nakito ku paat i Aki Kapuuno' namuso ra Jirusalim, am koson ondo' nakito ku giu' ra kiing ru Sungoi Kibar. Aku pana igulatur boo nokopolos ra tana'.

YEHEZKIEL 3:23

Ginio ra minongoi aku ra limayak am giu' no makakito aku ra katulayan ru Tuhan koson ondo' nakito kuno giu' ra kiing ru Sungoi Kibar. Naratu' aku pakakubu ra tana',

1 TUNUNG RU BANSA' ISRAIL 21:16

Nakito ru Raja' Daut malaikat no minigor ra pangkilolot ru limbowon am tana' ti, liliwa' nampaguut ra ilang ondo' pinaakang, nakatampos koson mamuso ra Jirusalim. Raja' Daut am tingganai-tingganai pana ondo' nambayang ra karung koson tatandu' pansagulian, kiminuku' nokosonor ra tana'.

TINGGANAI RU BANSA' 13:22

Kon ri Manoa ra andu' nano, “Maaru' matoi to, sabap ra nakakito to noyo ri Aki Kapuuno'!”

TINGGANAI RU BANSA' 13:20

Tatanga' simbula' ru apui minsawat intor ra altar no, nakito ri Manoa am andu' nano malaikat ru Tuhan sumaboi ra limbowon ralalom simbula' ru apui no. Bagu no nakaliman i Manoa ra ondo' nakito nano iono malaikat ru Tuhan. Io am andu' nano pana kiminubu samba. Kalo boo igondo' ilo pakakito ra malaikat no.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 17:7

Kaa' ratong i Jisus am kombongo' No ilo. “Bigor kano,” kon Nano, “Pai' kano kalaa'!”