MATIUS 17:3 - Tanou Moonsoi Timugon

³ Maamaya'-maamaya' Nano pana nakakito boo ri nabi Ilia am i nabi Musa makimansunur ri Jisus.

MATIUS 17:3 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 17:2

Paat ra ilo magilong ri Jisus, minalui baal Nano; bulos Nano makabinusasal koson ra mato ru orou am bayang Nali mapulak kaga', kukuliat ayuk.

MATIUS 17:4

Indagu i Pitrus ri Jisus, “Tuhan, moonsoi toojo itakau soroi ragiti. Amon ru masaga' kou ayuk Tuhan, manirong aku ra talu kalukub; rondo' Rirun, rondo' ri nabi Musa am rondo' poyo ri nabi Ilia.”

MARKUS 9:4

Kakito nilo boo i Ilia nabaya' ri Musa, ilo ruo ti nakimansunur ri Jisus.

LUKAS 1:17

Momongo io ra ralan ru Tuhan am maikang am makakuasa' io koson ra nabi Ilia. Mopobonsoi io ra ama' am anak, magibit ra ulun ondo' kalo gumagaya' sumaguli' ra pangkaraan motopot. Koson raginio boo, momongo io ra ulun tumampos manguma' ra Tuhan.”

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

LUKAS 9:33

Paat ra ruo ngaulun no sumaguli' mangiruan ri Jisus, indagu boo i Pitrus, “Tuan, moonsoi toojo itakau ragiti. Mangkalukub akai talu ringai'. Rondo' Rirun no, rondo' ri Musa am rondo' niayuk ri Ilia.” (Minindagu i Pitrus kon raginio sabap ra kalo nakapandai io ra atan ondo' sotopot no raguon.)

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.

SAGULION 34:10

Intor raginio, kolondo' nabi koson ri Musa giu' ra Israil; minindagu Tuhan ri Musa ra nampakito ra bulos.