MATIUS 16:24 - Tanou Moonsoi Timugon

²⁴ I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 16:24 ပူးပေါင်းရင်းမြစ်များ

MATIUS 10:38

Osoi ayuk kalo mansaan ra salip nano am mugar maya' Raki' kalo sama' io masauk ra maamaya' Kuno.

MATIUS 27:32

Paat ra ilo mingkual, kauma' nilo sangulun intor ra pekan Kirini ininggalanan i Simon. Jinajalan io ti mansaan ra salip ri Jisus.

MARKUS 10:21

Kaa' pagilong i Jisus ra ulun no am maansayan riso, am indagu, “Rondo' ayuk boo kalo nabaal muno. Ugar no am talano' kuliamos muno, am tatayaro' ruit no ra ulun musikin, am okou pana makakuliamos boo giu' ra suruga'; am saguli' boo ragiti am baya' Raki'.”

MARKUS 15:21

Tatanga' ru ralan, jajali' nilo sangulun ungkuyon nansaan ra salip ri Jisus. Ulun i bagu ayuk poyo intor ra pamagunan am masaga' sumubol ra bandar Jirusalim. (Inggalan nano i Simon. Intor io ra bandar Kirini, ama' ri Aliksandir am i Rupus.)

MARKUS 8:34

Piawo' boo ri Jisus ulun masuang no am maamaya' Nano. Indagu Io risilo, “Moonong ulun masaga' maya' Raki', lilianin no kasagaan nano galama' am mansaan io ra salip nano am maya' Raki'.

LUKAS 14:27

Osoi ayuk kalo masaga' mansaan ra salip nano am maya' Raki', kalo masauk ra maamaya' Kuno.

LUKAS 23:26

Saujor-saujor no nagibit ri Jisus koson ongoyon salipo'. Ingkual ilo ra bandar i am katuum nilo i Simon, ulun ru Kirini, ondo' sumubol ra bandar. Rokopo' io ru saujor-saujor no am jajali' mansaan ra salip i sumunu' ri Jisus.

JUANIS 19:17

Ingkual Io boo nansaan ra salip Nano mongoi ra intok ondo' sabiton ra “Intok kuapak”. (Ralalom ragu ru Ibrani “Golgota”.)

JUANIS 21:19

(Ra ragu ri Jisus raginio mambala' ati kulaan patayan ri Pitrus koson mampatulai ri Aki Kapuuno'.) Indagu boo i Jisus riso, “Baya' no Raki'.”

JUANIS 21:22

Taam i Jisus riso, “Amon ru masaga' Aku ra maayag io saboi ra Aku matong saguli', kua kaimamang kou raginio? Kaa' okou baya' no Raki'.”

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

1 TISALONIKA 3:3

Koson boo raginio kolondo' sangulun pana intor ramuyun no lumonggo' mangintopot sabap ra kaimbalaan min ti. Akau galama' nakapandai ragitio noyo tayar ru kasagaan ri Aki Kapuuno' ritakau.

2 TIMOTIUS 3:12

Sotopot no, ngaangai' ulun ondo' masaga' gumagaya' am sumimpung ri Jisus Kristus, makatuum niayuk ra kaimbalaan.

1 PITRUS 2:21

Nampiau i Aki Kapuuno' ramuyun pantataan ra akau imboloon sabap ra mambaal ra moonsoi. I Kristus galama' inimbolo' ra bala min, am raginio nakapangani' Io ramuyun ra tiluan ondo' moonsoi suguton min.