MATIUS 16:20 - Tanou Moonsoi Timugon

²⁰ I Jisus pana manusub boo ra maamaya'-maamaya' Nano ra kalo mantunung ra osoi ayuk pana ra Io no Mamamayag ondo' sinusub ri Aki Kapuuno'.

MATIUS 16:20 ပူးပေါင်းရင်းမြစ်များ

MATIUS 1:16

i Jakub ama' ri Jusup, ralaki ri Maria. I Maria ti noyo naganak ri Jisus ondo' piawon ri Kristus.

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 17:9

Paat ra ilo nambusul intor ra gunung no, panusub i Jisus risilo; “Pai' min tunungo' ra osoi ayuk pana ondo' nakito mini, suku' Anak ru Ulun bayagon saguli' intor ra kapatayan.”

MATIUS 8:4

I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

MARKUS 8:30

Pangampol boo i Jisus risilo koson kalo mantunung ra osoi-osoi ayuk ra osoi Io sotopot no.

MARKUS 9:9

Paat ra ilo nambusul intor ra gunung no, nangampol i Jisus risilo, “Pai' min tunungo' ra osoi ayuk pana ondo' nakito mini, saboi Anak ru Ulun maayag saguli' ra kapatayan.”

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

LUKAS 9:21

Pangampol i Jisus risilo koson kalo mambala' ra baal raginio ra osoi ayuk pana.

LUKAS 9:36

Longgo' bolos i am kakito nilo misasangulun ayuk boo i Jisus ra giu' i. Nongkoror maamaya' Nano am kalo nambala' ilo ra atan ondo' nakito nilai ra osoi ayuk pana.

JUANIS 1:41

Ginio ra ongoi i Andrias tuum ri Simon ra mataki' am indagu io riso, “Natuum mai noyo Misias.” (Arati' no ‘Mamamayag ondo' sinusub ri Aki Kapuuno'’.)

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 11:27

Kon ri Marta, “Iou Tuhan, mangintopot aku ra Okou noyo Anak ri Aki Kapuuno', Mamamayag ondo' inaru' noyo matong ra tana' ti.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

RINALATAN 2:36

“Ginio ra ngaangai' ulun ru Israil musiti' makapandai ra i Jisus ondo' sinalip mini, Io noyo ondo' sinauk ri Aki Kapuuno' ra Tuhan am Mamamayag!”

1 JUANIS 2:22

Ulun magabau no, io no ulun ondo' mindagu ra i Jisus sala' ka Mamamayag ondo' sinusub ri Aki Kapuuno'. Ulun no pantula' ri Jisus Kristus. Kalo mangintopot io ra Ama' kapoam Anak.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.