MATIUS 16:18 - Tanou Moonsoi Timugon

¹⁸ Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

MATIUS 16:18 ပူးပေါင်းရင်းမြစ်များ

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

2 SAMUIL 18:4

Raja' pana mindagu boo, “Iou noyo, maya' ramuyun.” Kopongo raginio bigor raja' giu' ra kiing ru kulobon garabang ru bandar, liliwa' saujor baris mingkual ralalom ru pulalai ra suang no intor ra saribu am maatus ngaulun.

AYUP 38:17

Igondo' kia osoi pana manulu' ra kulobon garabang kapatayan ramuyun, kulobon ondo' nanili ra intok kapatayan ondo' molondom kaga' no?

MAZMUR 107:18

kolondo' patiakan nilo ra akanon, am mamaar noyo ra kulobon ru kapatayan.

MAZMUR 127:5

Pakaansuk noyo ulun ondo' nakatampos nangatang ra panah koson raginio. Kalo toojo kalaan io bulintok makatingkuang ra pantula' giu' ra intok pangakiman.

MAZMUR 129:2

“Intor poyo ra kinamuloko' kuli, pantula' kuno nangimbolo' toojo raki', kaa' kalo maalap nilo aku ra kala.

MAZMUR 69:12

Bulintok ra aku manulung ra bayang panguliran, kuritin nilo aku.

MAZMUR 9:13

Mangkara' i Aki Kapuuno' risilo ondo' naimbolo'; kalo malilianan No tangi' nilono, ukumin No ulun ondo' mangimbolo' risilo no.

AMSAL 24:7

Ulun sasambungon kalo makarati' ra ragu-ragu mapintar. Kalo makaindagu ilo ra atan-atan bulintok ra baal-baal maatang sunuron.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 28:6

Mangani' Io ra paliso matimpok ra akim-akim, am kinabaani ra ulun ondo' nangampin ra garabang subalan ra bandar intor ra owoyon.

JISAYA 38:10

Mangkara' aku, paat pompor ru painawo kuno, mongoi aku ra pagun ru ulun minatoi, am orou ra matutuo kalo makaliman aku.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JUNUS 2:6

Timinuun aku saboi ra lonor ru kabuluran, ra intok ondo' garabang kinunsi' suku' ra sabuoi-buoi no. Paat ra painawo kuno mamaar mutus intor ra inan kuno, mangkara' aku ra Tuhan, am mampiau aku Rirun. Okou, iou Tuhan, iningo' pakiasian kuno, giu' ra Baloi Muno ondo' matulai. Intor ra raat ondo' malandom, Okou mamayag raki', iou Tuhan, i Aki Kapuuno' kuno!

MATIUS 10:2

Gitio noyo inggalan ru mopor am ruo ngaulun rasul Nano: Kasaa'; i Simon (ondo' poyo sabiton ri Pitrus) am pinongkotob nano i Andrias; i Jakubus am pinongkotob nano i Juanis, ilo ti anak ri Jibidius;

MATIUS 11:23

Am akau, ulun ru Kapirnaum! Guang min, painsawaton kau saboi ra suruga'? Patirin kau giu' ra naraka! Amon ru kaimuagan ondo' binaal ra tatanga' ramuyun i binaal ra giu' Sodom, maaru' Sodom i lakat ayuk poyo soroi ra raino ti!

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

MATIUS 4:18

Paat ri Jisus nangkiralan ra kiing ru Tasik Galilia, kakito No ruo ngaulun magaka', ioginio i Simon (ondo' poyo ininggalanan ri Pitrus) am boborok nano, i Andrias. Ilo ti namparalo ra tasik no.

MATIUS 7:24

“Moonong ulun ondo' mangkirongog am gumagaya' ra raguon Kuno, io ti koson ra ulun mapintar ondo' mambaal ra baloi nano ra rasawat ru batu.

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

1 KORINTUS 15:55

“Alii kapatayan, ati boo kamanangan muli? Alii kapatayan, ati boo kuasa' muli?”

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

IPISUS 3:10

Maa' raginio koson ra raino ti, mansail ra pasimpungan ulun Kristian, mampakito i Aki Kapuuno' ra kapintaran Nano ra mangunguasa' am kaikangan ru limbowon ti.

IPISUS 5:32

Malandom kaga' arati' ru gitio, kaa' ondo' kon kuni, abig ru pabukatan ri Kristus am pasimpungan ulun Kristian no.

KOLOSI 1:18

Io no maningganai ra inan, ioginio pasimpungan ulun Kristian, am Io poyo puun ru kaayagan bagu nilono. Io po Anak Langkuir ri Aki Kapuuno' ondo' binayag saguli' intor ra kapatayan, koson nampasauk Riso ra maatang intor ra ngaangai'.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 3:5

Sabap ra amon ru mailo io magalung ra sasambaloi nano galama', ati kulaan io makapaningganai ra pasimpungan ulun Kristian?

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 21:14

Timbok ru bandar no pinaturung ra mopor am ruo batu maayo ondo' tinulisan ra inggalan ru mopor am ruo rasul ru Anak Domba no.