MATIUS 16:16 - Tanou Moonsoi Timugon

¹⁶ Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 16:16 ပူးပေါင်းရင်းမြစ်များ

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

MATIUS 1:16

i Jakub ama' ri Jusup, ralaki ri Maria. I Maria ti noyo naganak ri Jisus ondo' piawon ri Kristus.

MATIUS 14:33

Maamaya'-maamaya' Nano ondo' soroi ra parau no siminamba ri Jisus, konilo, “Topot-topot Okou no Anak ri Aki Kapuuno'!”

MATIUS 16:15

“Kaa' akau,” kon ri Jisus, “Osoi Aku ti?”

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

MARKUS 14:61

Nongkoror ayuk i Jisus am kalo tinaam No. Kuati' poyo ru Tingganai Maayo Imam Jaudi i, “Okou kia Mamamayag ondo' sinusub i, Anak ri Aki Kapuuno' Ondo' Matulai Kaga' i?”

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 11:27

Kon ri Marta, “Iou Tuhan, mangintopot aku ra Okou noyo Anak ri Aki Kapuuno', Mamamayag ondo' inaru' noyo matong ra tana' ti.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 6:57

I Ama' ondo' maayag nanusub Raki', am makakaayagan Aku intor Riso. Koson niayuk ra osoi ayuk mangakan ra inan Kutu, makakaayagan io intor Raki'.

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 8:37

Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

2 KORINTUS 1:19

Sabap ri Jisus Kristus, Anak ri Aki Kapuuno', ondo' pinatanou mai ramuyun, ioginio aku, i Silas am i Timotius, kalo noyo makulau ra “Iou” am “Kalo”. Kaa' sotopot no Io no taaman “Iou” intor ri Aki Kapuuno'.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

IBRANI 10:31

Aibui boo risilo ondo' akimin ri Aki Kapuuno' ondo' maayag no!

IBRANI 12:22

Kaa' sotopot no nakainggaar kau ra Bulur Sion am bandar ri Aki Kapuuno' ondo' maayag no, ioginio Jirusalim am poyo riribu malaikat giu' ra suruga'.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.

PINAINTALANG 7:2

Kakito ku boo malaikat ra bokon poyo siminalula' intor ra sirangon nagibit ra saap ri Aki Kapuuno' ondo' maayag. Nampiau malaikat no ra bolos mosongou ra kaapat malaikat ondo' inanian ri Aki Kapuuno' ra kuasa' mampalunsai ra lantur am raat ti.