MATIUS 15:6 - Tanou Moonsoi Timugon

⁶ kalo boo pana mangurumat ulun no ra ama' nano. Koson raginio noyo inimpayan min ragu ri Aki Kapuuno' am gumagaya' ra pangilaan min galama'.

MATIUS 15:6 ပူးပေါင်းရင်းမြစ်များ

1 TIMOTIUS 5:8

Kaa' osoi ayuk kalo magalung ra pabukat nano, mulu' poyo pinongkotob nano galama', ulun ragitio karaan ra nagali' noyo ra pangintapatan am mulu' poyo malaat io ka ulun ondo' kalo mangintopot ri Kristus.

JIRIMIA 8:8

Baani kau kaga' mindagu ra mapintar kau am makapandai ra ukum Kuno! Ilai' ga boo, ukum Kuno kinulau noyo ru mangingila' ra ugama ondo' kalo mabanis guang.

MARKUS 7:13

Ginio sabap ra paat akau mangila' ra kaulayan min ra ulun ra bokon, luluon min bala' ri Aki Kapuuno' am masuang poyo koson raginio binaal mino.”

MAZMUR 119:126

Nasaboi noyo bulintok ra Okou mapaliman, iou Tuhan, sabap ra ulun kalo gumagaya' ra panusuban Muno.

1 TIMOTIUS 5:16

Kaa' amon ru sangulun ruandu' Kristian makapabukat ra napuor, moonsoi io magalung risilo am pai' noyo pantipagon ra pasimpungan ulun Kristian. Maa' raginio maalap nilo kaindangan ulun-ulun napuor no ondo' kolondo' magalung risilo.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

MAZMUR 119:139

Sangit mapaangan ra guang kuno sabap ra pantula' kuno kalo gumagaya' ra panusuban Muno.

MATIUS 15:5

Kaa' mangila' kau ra amon ru sasangulun no mokoondo' ra kuliamos ondo' sotopot no makapangindangan ra ama' am ina' nano, kaa' mindagu boo ulun no, ‘Pinataakan ku noyo gitio ri Aki Kapuuno',’

MATIUS 15:7

Akau ulun maabau-abau! Mumpara' boo topot ru nabi Jisaya paat ra io mindagu koson ramuyun!