MATIUS 15:4 - Tanou Moonsoi Timugon

⁴ Sabap ra mokoondo' bala' ri Aki Kapuuno', ‘Urumato' noyo ama' am ina' muno, osoi ayuk mampaluta' ra ama' am ina' nano, maaru' ulun no potoyon.’

MATIUS 15:4 ပူးပေါင်းရင်းမြစ်များ

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 21:17

“Osoi magulas ra ama' nano kapoam ina' nano musiti' ukumin ra matoi.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 23:22

Rongogo' noyo pinson ri ama' muno, sabap ra amon ru kalio io, akau kolondo'. Bulintok ra ina' muno matutuo, patalango' noyo guang maringkuanang muno riso.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 20:9

Nanaak Tuhan ra aturan ragitilo, “Osoi magulas ra ama' nano kapoam ina' nano musiti' ukumin ra matoi. Matoi ulun no sabap ra kasalaan nano galama'.

MATIUS 15:3

Taam i Jisus, “Am kua pai' kau niayuk sugut ra panusuban ri Aki Kapuuno', kaa' sumugut kau ra pangilaan min galama'?

MATIUS 15:5

Kaa' mangila' kau ra amon ru sasangulun no mokoondo' ra kuliamos ondo' sotopot no makapangindangan ra ama' am ina' nano, kaa' mindagu boo ulun no, ‘Pinataakan ku noyo gitio ri Aki Kapuuno',’

MATIUS 19:19

Urumato' matuo muno; tagami' noyo ngaangai' ulun koson ra kaayagan muno galama'.”

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

IPISUS 6:1

Anak kau ngai', koson maamaya' ri Kristus, gagaya' kano ra matuo mino sabap ragitio noyo musiti' baalon.

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.