MATIUS 15:28 - Tanou Moonsoi Timugon

²⁸ Ginio ra indagu i Jisus ra ruandu' no, “Maayo toojo pangintapatan muno. Kasauk noyo rirun maya' ra kasaga' muno!” Paat ragili niayuk anak ruandu' nano nababas.

MATIUS 15:28 ပူးပေါင်းရင်းမြစ်များ

AYUP 13:15

Polosoon i Aki Kapuuno' mamatoi raki' sabap ra nakai' noyo guang kuno, kaa' manaung aku ra baal kuno ra saang Nano.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

SULABOI 3:32

Kabalu' pana porotongon No kaimbalaan ritakau, magulayun Io motogom ritakau ra togom ondo' kolondo' polos.

MATIUS 14:31

Paat niayuk ragili patutuyo' ri Jisus kalindu' Nano am guuto' No i Pitrus. Indagu Io, “Mumpara' boo borok ru pangintapatan muno! Kua kaimamang kou?”

MATIUS 15:27

“Topot tuan,” kon ru ruandu' no, “Kaa' uku' no pana mangakan niayuk ra tipopol ondo' naratu' intor ra mija' ru tuan nano.”

MATIUS 8:10

Nangimuag i Jisus nakaining ra ragu raginio, am indagu Io boo ra ulun masuang ondo' sasunu'-sunu' Riso i, “Kalo igondo' Aku pakakito ra pangintapatan maayo koson ragitio, iou pana intor ra bansa' ru Israil.

MATIUS 8:13

Indagu boo i Jisus ra tingganai ru saujor no, “Uli' no, atan ondo' nangintapatan muni masauk rirun.” Paat niayuk ragili nairu' boo maruol ru ulipon ru tingganai ru saujor i.

MATIUS 9:22

Pangkaili i Jisus am kakito No ruandu' i. Indagu Io riso, “Kaikango' noyo guang muno, anak Kuno! Sabap ra okou nangintopot nababas kou noyo!” Paat niayuk ragili nababas ruandu' i.

MARKUS 5:34

Indagu i Jisus ra ruandu' no, “Anak Kuno, pangintapatan muno Raki' namabas noyo rirun. Tumoojo kou, sabap ra napali' kou noyo.”

LUKAS 17:5

Indagu rasul-rasul ri Jisus, “Tuhan, iroto' pangintapatan mai ti.”

LUKAS 7:50

Kaa' indagu i Jisus ra ruandu' no, “Pangintapatan muno namayag rirun. Uli' no mabaya' ra kaansayan!”

LUKAS 7:9

Nangimuag i Jisus nakaining raginio. Pangkaili Io ra ulun masuang no ondo' sasunu'-sunu' Riso i am indagu Io, “Kalo igondo' Aku pakatuum ra pangintapatan maikang koson ragitio, intor ra bansa' ru Israil pana kalo!”

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.