MATIUS 15:27 - Tanou Moonsoi Timugon

²⁷ “Topot tuan,” kon ru ruandu' no, “Kaa' uku' no pana mangakan niayuk ra tipopol ondo' naratu' intor ra mija' ru tuan nano.”

MATIUS 15:27 ပူးပေါင်းရင်းမြစ်များ

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

LUKAS 16:21

am malansan io makaalap ra akanon ondo' napulayat ru langkaya' i. Tilain poyo ru uku' ruruko nali.

ROMA 10:12

Sabap raino mogondo' ayuk ralan mamayag ra ulun ru Jaudi kapoam sala' ka Jaudi; i Aki Kapuuno' rondo' ayuk am Io no Tuhan ru ngaangai' am mauli' barakat Nano risilo ondo' makiindangan Riso.

ROMA 3:29

Ginio ra i Aki Kapuuno' intopoton ru ulun ru Jaudi ayuk kia? Maaru' kalo! Intopoton Io niayuk ru ulun sala' ka Jaudi.

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

MATIUS 8:8

Kaa' taam tingganai ru saujor no, “Tuan, kalo pana rumatong Kou sabap ra aku ti kalo maaya' mangapu Rirun giu' ra baloi kuno. Panusub ayuk am ulipon kuno mairuan ra maruol.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

ROMA 3:4

Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”

DANIL 9:18

Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

KASAUKAN 32:10

Kalo maaya' aku mangapu ra ngaangai' togom am gagaya' Muno ondo' pinakito Muno raki', ulipon Mutu. Susukur kutu ayuk inibit ku liminaup ra Sungoi Jordan, kaa' raino siminaguli' aku ra ruo ngampulalayan ti.

MATIUS 15:26

Kaa' taam i Jisus, “Kalo moonsoi akanon ru lalaing papatiron ra uku'!”

MATIUS 15:28

Ginio ra indagu i Jisus ra ruandu' no, “Maayo toojo pangintapatan muno. Kasauk noyo rirun maya' ra kasaga' muno!” Paat ragili niayuk anak ruandu' nano nababas.

MARKUS 7:28

Kaa' taam ruandu' no, “Topot, tuan. Kaa' uku' ondo' saau ru mija' no mangakan niayuk ra tipopol ondo' ratuin ru lalaing-lalaing no!”