MATIUS 15:25 - Tanou Moonsoi Timugon

²⁵ Pokorongog ra ragu ri Jisus ni, ongoi ruandu' no igulatur ra saang Nano. Kono, “Indangano' aku no.”

MATIUS 15:25 ပူးပေါင်းရင်းမြစ်များ

KASAUKAN 32:26

Indagu ulun no, “Paugaro' aku noyo sabap ra sumirang noyo mato ru orou no.” Taam i Jakub, “Kalo paugaron tokou amon ru kalo mambarakat kou raki'.”

GOSIA 12:4

Kinamatuaan nilo, i Jakub, namparuung ri Isau, pongkotob ra pongkobon nano paat ra ilo ruo lakat poyo ra ralalom ru binunakan ru ina', am paat nasukor i Jakub giminula' ri Aki Kapuuno'.

MATIUS 14:33

Maamaya'-maamaya' Nano ondo' soroi ra parau no siminamba ri Jisus, konilo, “Topot-topot Okou no Anak ri Aki Kapuuno'!”

MATIUS 15:26

Kaa' taam i Jisus, “Kalo moonsoi akanon ru lalaing papatiron ra uku'!”

MATIUS 20:31

Ulun masuang miniku' ri Jisus i siminangit am nanusub risilo mongkoror. Kaa' kosongowo' ru karuo-ruo bolou i golok nilo, “Tuan, Anak ru raja' Daut, pakaasi' no ramon!”

MATIUS 8:2

Sangulun ondo' makamaruol ra kungkung ondo' maaja' no pana riminatong am igulatur boo ra saang Nali. Indagu io, “Tuan, amon ru masaga' Kou, maalap Mu aku ra babas.”

MARKUS 9:22

Masalok riwato no mangkinam mamatoi riso am paratuon ralalom ru apui am timug. Pakaasi' no ramon. Indangano' akai amon ru maalap Mu ayuk!”

MARKUS 9:24

Golok boo ama' ru lalaing no, “Tuhan, mangintopot aku kaa' indangano' aku koson mangintopot aku poyo toojo!”