MATIUS 15:19 - Tanou Moonsoi Timugon

¹⁹ Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

MATIUS 15:19 ပူးပေါင်းရင်းမြစ်များ

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

MAZMUR 119:113

Masisang aku ra ulun ondo' kalo gumagaya' Rirun ra sotopot no, kaa' tagamin ku Ukum Muno.

AMSAL 22:15

Lalaing maubas mambaal ra baal ra saasala', kaa' lalapos makaila' risilo mangulau ra paliso.

AMSAL 24:9

Guangon ru ulun sasambungon ioginio tula ayuk. Ulun ondo' masalok maninduol ra bokon kasisangin ru osoi ayuk pana.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

AMSAL 6:14

liliwa' ra ilo mangatang ra kalaatan am karaan nilono nakalayau. Mambaal ilo ra sasou ra ati-ati intok.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

UNTABAN 22:29

Taam i Biliam, “Ginio sabap ra inanja' mu aku! Amon ru makailang aku, maaru' potoyon tokou.”

MATIUS 15:20

Baal raginio noyo mampajamol ra ulun. Mangakan ra kalo mabaguan kalindu' maya' ra aturan ru ugama, kalo mangkinibit ra sasangulun no majamol!”

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

ROMA 7:18

Ginio ra kolondo' moonsoi soroi ra guang kutu, ioginio paliso kuno ra ulun. Sabap ra iou pana masaga' aku mambaal ra moonsoi, kalo makapambaal aku.