MATIUS 15:14 - Tanou Moonsoi Timugon

¹⁴ Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

MATIUS 15:14 ပူးပေါင်းရင်းမြစ်များ

JISAYA 31:3

Ulun ru Misir sala' ka tuhan; ilo ulun ayuk. Kuda nilono ondo' makapainawo ra lamuoi, sala' ka ambiluo ra makakuasa'. Bulintok ra Tuhan mamatas, bansa' ra maikang pana maratu', am bansa' ra lamuoi ondo' indanganon nilono pana maratu'. Karuo-ruo no mapuso.

JISAYA 42:19

Mokoondo' poyo kia ulun nobolou poyo ra bokon ka ulipon Kuno, kapoam barat poyo ka ulun sinusub Kuno?

JISAYA 56:10

Kon ru Tuhan, “Ngaangai' tingganai ru bansa' Kuno ioginio ulun bolou! Kolondo' atan-atan napandayan. Ilo koson ra uku' bungangang ondo' kalo magusig, kaa' mombolong ayuk am maginupi. Mombolong ayuk kapandayan nilo am maginupi.

JISAYA 9:16

Ginio ra kalo polosoon ru Tuhan ulun mamulok nilo lumabus. Kalo igogondo' Io pakaasi' ra ulun napuor am lalaing nailusan ra matuo, sabap ra ngaangai' ulun no namatir ra pangintapatan am liminaat. Nansalinut raguon nilono malaat. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

GOSIA 4:17

Ulun ru Israil nabunduk guang ra sinungkalalaing. Ginio ra polosoon ilo.

MALIAKI 2:8

Kaa' raino, akau imam-imam, siminiang intor ra ralan ondo' motopot. Pangilaan min nangkinibit noyo ra masuang ulun nambaal ra kasalaan. Inanggal min nabantuan ondo' binaal Kuno ramuyun.

LUKAS 6:39

Tunungo' boo ri Jisus abig ragitio risilo: “Amon ru ulun noolou mangitang ra ulun noolou ra bokon, maaru' ilo karuruo maratu' ra parit.

JUANIS 9:39

Kon ri Jisus, “Aku minatong ra tana' ti mongoi pangakim, maa' raginio ulun noolou makakito am ulun makakito moolou boo.”

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

2 PITRUS 2:17

Ulun-ulun migigiangku ra mangingila' no mogondo' ra taur napua' kapoam gaun ondo' siniaban ru bagiu' mapuor. Pinatampos noyo ri Aki Kapuuno' risilo rondo' intok molondom toojo.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.