MATIUS 15:13 - Tanou Moonsoi Timugon

¹³ Taam i Jisus, “Moonong tatanom ondo' kalo tinanom ru Ama' Kuno giu' ra suruga' maaru' bubulon.

MATIUS 15:13 ပူးပေါင်းရင်းမြစ်များ

MAZMUR 92:13

Ulun mabanis guang lumangkaya' koson ra puun ru palma; maikang ilo koson ra puun ru sidar giu' ra Libanon.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

MATIUS 15:12

Maamaya'-maamaya' ri Jisus pana minatong boo am indagu Riso, “Mangingila', makapandai Kou kia ra guang ru ulun-ulun ru Parisi no nasindualan ra ragu Muni?”

JUANIS 15:1

“Aku noyo puun ru anggur ondo' motopot; i Ama' Ku noyo magagalung ra umo.

JUANIS 15:2

Moonong pango Kuno ra kalo manangkawa' iruon No, am moonong pango ra manangkawa' intawangin No, maa' raginio makapangkawa' ra maawas poyo.

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

1 KORINTUS 3:9

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.