MATIUS 15:10 - Tanou Moonsoi Timugon

¹⁰ I Jisus pana nampiau boo ra ulun masuang am indagu risilo, “Rongogo' am aratio' noyo!

MATIUS 15:10 ပူးပေါင်းရင်းမြစ်များ

1 RAJA'-RAJA' 22:28

Kon ri Mika, “Amon ru makasaguli' kou raja' ra maayag, maaru' Tuhan no kalo mindagu pinabala' galing raki'!” Kon poyo ri Mika, “Rongogo' noyo, akau ngaangai' ulun, ra atan ondo' rinagu kutu.”

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 6:9

Io pana nanusub raki' mampasaboi ra tanou ti ra ulun, “Rayusi' min mangkirongog, kaa' kalo makarati'. Rayusi' min mampaguang, kaa kalo mapandayan min atan kasaukan.”

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

MATIUS 15:11

Sala' ka atan ondo' sumubol ra ralalom kabang ru sasangulun no mampajamol riso, kaa' atan ondo' mingkual intor ra kabang, ginio noyo mampajamol riso.”

MATIUS 15:9

Kolondo' onong sumamba ilo Raki', sabap ra ilo mangila' ra susuban ru ulun ayuk, sala' ka pangilaan ri Aki Kapuuno'.’ ”

MATIUS 24:15

“Makakito kau ra Karaat Makalalaa', ondo' rinagu ri nabi Danil, migor ra Baloi Tuhan. (Pangkaraan ra mambabasa': Aratio' min atan pambalaan ragitio!)

LUKAS 24:45

Kopongo ragili, nampaintutun Io risilo ra atan kon ru Buuk Kitab,

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.