MATIUS 15:1 - Tanou Moonsoi Timugon

¹ Kukula' ngaulun Parisi am mangingila' ra Ukum ri Musa intor ra bandar Jirusalim timinuum ri Jisus am pangkuot Riso,

MATIUS 15:1 ပူးပေါင်းရင်းမြစ်များ

MATIUS 23:2

“Mangingila' ra Ukum ri Musa am ulun ru Parisi ti noyo inanian ra kuasa' mampaintutun ra Ukum ri Musa.

MATIUS 5:20

Balain takamin: Amon ru gumagaya' kau toojo ra kasagaan ri Aki Kapuuno' intor ra mangingila' ra Ukum ri Musa am ulun-ulun ru Parisi, bagu no masauk kau ra ulun ri Aki Kapuuno'.”

MARKUS 3:22

Kukula' ngaulun mangingila' ra Ukum ri Musa ondo' minatong intor Jirusalim minindagu, “Sinubol i Jisus ru Biiljibul, Tingganai ru riwato no mangani' Riso ra kuasa' mampagiru' ra riwato.”

LUKAS 5:17

Sangarawan ragili paat i Jisus nangila', mokoondo' kukula' ngaulun ru Parisi am mangingila' ra Ukum ri Musa nantuturung mangkirongog Riso. Minatong ilo intor ra bandar Jirusalim am poyo intor ra moonong intok giu' ra libung Galilia am Judia. Kuasa' ru Tuhan siminoroi ri Jisus koson mamabas ra ulun marualan.

LUKAS 5:21

Kaa' mangingila' ra Ukum ri Musa am ulun-ulun ru Parisi nansusunur ra rondo' am bokon, “Osoi ulun ragitio ondo' makakau' magasab ri Aki Kapuuno'? Osoi mangampun ra tula kaa' i Aki Kapuuno' ayuk galama'?”

LUKAS 5:30

Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”

JUANIS 1:19

Tingganai ru ulun ru Jaudi giu' ra Jirusalim nanusub ra imam-imam Jaudi am ulun-ulun papag ru Liwi no, mongoi pangkuot ri Juanis, “Osoi kou?”

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”

RINALATAN 25:7

Paat ri Paulus minatong, ulun ru Jaudi ondo' intor ra Jirusalim minongoi limpu riso am tumalimpuun manguu' riso ra maagat. Kaa' panguwan nilo ngaangai' kolondo' sasi'.