MATIUS 14:6 - Tanou Moonsoi Timugon

⁶ Paat ra pangiantakan orou naganakan ri Irodis, anak ruandu' ri Irodias nansayau ra saang ru tambului-tambului no. Tinuyang-tuyang ri raja' Irodis lumaai riso,

MATIUS 14:6 ပူးပေါင်းရင်းမြစ်များ

KASAUKAN 40:20

Pakatalu ngoorou raginio, napaat ra orou naganakan ru raja' no, bunsagi' ru raja' no ngaangai' tingganai nano. Palabuso' no intor ra pangaputan tingganai mansulung ra inumon nano am tingganai mansulung ra akanon nano, am ibito' ra saang ru ngaangai' tingganai ru istana.

ESTER 2:18

Kopongo raginio, nambaal raja' ra bunsag maayo koson mangurumat ri Ester am nampiau ra ngaangai' tingganai am pagawai nano. Pinatanou ru raja' orou tumangus ra titikop ru pamarintaan am nantatayar ra masuang kaga' tangguang.

MATIUS 14:3

Kukula' buoi ra nakasail i, maya' ra susuban ru raja' Irodis, i Juanis Mampariu' ti rinakop. Bangkilo' io am pasubolo' ra pangaputan. Binaal ru raja' Irodis koson raginio maya' ra kasagaan ri Irodias, andu' ri Pilipus, pongkotob ru raja' Irodis.

MATIUS 14:7

saboi io minindagu, “Magibot aku rirun ra atan ayuk kitaakon muno, aniin tokou!”

MATIUS 22:24

“Mangingila',” konilo, “Nabi Musa nangila'; Amon ru sangulun ungkuyon matoi ra kolondo' anak, pongkotob no musiti' manangandu' ra napuor no, am makaalap ilo ra anak koson manungkus ra sayat ru minatoi i!

MARKUS 6:14

Norongog noyo ru raja' Irodis ngaangai' ondo' nasauk, sabap ra inggalan ri Jisus nauligan ru ngaangai' ulun. Mokoondo' mindagu; “I Juanis Mampariu' naayag saguli'! Ginio sabap ra Io mokoondo' ra kuasa' mambaal ra kaimuagan.”

MARKUS 6:17

Ragili nanusub raja' Irodis ra ulun namparakop ri Juanis am ganggangi' ra lamin pangaputan. Sabap no raja' Irodis sinawai ri Juanis ra io namundus am naguot ri Irodias, andu' ri Pilipus, pongkotob nano galama'.

MARKUS 6:19

Ginio sabap ra malikokot i Irodias ri Juanis am mangatang io koson mamatoi ri Juanis, kaa' kalo maalap, sabap ra raja' Irodis malaa' ri Juanis ra i Juanis ti sangulun moonsoi ondo' sinusub ri Aki Kapuuno'. Ginio ra raja' Irodis mangampin riso. Maansayan io mangkirongog ra pangilaan ri Juanis, kabalu' pana ragu ri Juanis makaimamang toojo riso.

MARKUS 8:15

Nampakara' i Jisus risilo, ragu Nano, “Ilalai' min ragi ru ulun-ulun ru Parisi am ragi ru Irodis.”

LUKAS 13:31

Paat ragili niayuk, mokoondo' kukula' ngaulun ru Parisi minatong ri Jisus am pambala', “Iruani' intok ragitio. Ongoi no intok ra bokon, sabap ra raja' Irodis masaga' mamatoi Rirun.”

LUKAS 23:11

Iniis am inasaban Io ri Irodis am saujor-saujor nano. Pambayango' nilo Io ra sukub moonsoi ru raja' am paatari' no saguli' ri Pilatus.

LUKAS 23:7

Kapandayi' no ra intor i Jisus ra libung ondo' kinuasa' ru raja' Irodis, paatari' no i Jisus riso. Napaat ragili niayuk, soroi i Irodis ra Jirusalim.

LUKAS 3:1

Paat ra bilor koopor am limo ra pamarintaan ra Kaisar Tibirius, i Pontius Pilatus nasauk ra gabenor ru Judia; raja' Irodis namarinta giu' ra pagun Galilia; Pongkotob ri Irodis, raja' Pilipus, namarinta giu' ra pagun Ituria am Trakonitis; raja' Lisanias namarinta giu' ra pagun Abilini.

LUKAS 3:19

Kaa' nansawai i Juanis ra raja' Irodis, gabenor ru pagun Galilia, ra io namundus ra andu' ru pongkotob nano. Inggalan ru ruandu' no am i Irodias. Am masuang poyo kalaatan ra bokon ondo' binaal nano.

LUKAS 8:3

i Joana, andu' ri Kuja, pagawai ra istana raja' Irodis, i Susana am masuang poyo ruandu' ra bokon. Masalok ilo mangindangan ri Jisus am maamaya' Nano koson mangani' risilo ra balanja'.

RINALATAN 12:1

Paat ragili niayuk raja' Irodis timinalimpuun nangimbolo' ra kukula' ngaulun Kristian.

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.