MATIUS 14:27 - Tanou Moonsoi Timugon

²⁷ Kaa' parayus taam i Jisus, “Kaikango' noyo guang mino! Aku gitio. Pai' kalaa'!”

MATIUS 14:27 ပူးပေါင်းရင်းမြစ်များ

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JISAYA 41:4

Osoi kia nambaal ra baal koson raginio? Osoi kia nangaru' ra sejarah? Aku, Tuhan ondo' nakapagulu, am Aku soroi saboi ra pamupusan.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

MATIUS 14:28

I Pitrus pana indagu boo, “Tuhan, amon ru Okou ginio, susubo' aku no matong Rirun mugar ra rasawat ru timug.”

MATIUS 17:7

Kaa' ratong i Jisus am kombongo' No ilo. “Bigor kano,” kon Nano, “Pai' kano kalaa'!”

MATIUS 28:10

“Pai' kano kalaa',” ragu ri Jisus risilo, “Ugar kano susubo' pabukat-pabukat Kuno mongoi ra Galilia, am giu' no makakito ilo Raki'.”

MATIUS 28:5

Indagu malaikat no ra ruandu'-ruandu' no, “Pai' kau kalaa'! Nakapandai aku maguyum kau ri Jisus ondo' sinalip i.

MATIUS 9:2

Giu' no kukula' ngaulun namandas ra sangulun ondo' kalo makalulu'. Ilai' ri Jisus ra maikang pangintapatan nilono, Io pana mindagu ra ulun ondo' kalo makalulu' no, “Kaikango' noyo guang muno, alii ra anak Kuno! Inampun noyo tula muno.”

MARKUS 6:50

Paat ra ilo nakakito Riso nangalaa' ilo. Kaa' nataki' i Jisus mindagu risilo, “Pongkoror kau! Pai' kau kalaa'! Aku i Jisus.”

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:30

Indagu poyo malaikat riso, “Maria, pai' kalaa', sabap ra maansayan i Aki Kapuuno' no rirun.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

LUKAS 5:10

Rangan-rangan ri Simon pana naliangan. Ilo ti am i Jakubus am i Juanis, karuruo ti anak ri Jibidius. Indagu i Jisus ri Simon, “Pai' kalaa'! Intor raino mangkimait kou ra ulun mangintopot Raki'.”

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 6:20

Kaa' indagu i Jisus risilo, “Pai' kau kalaa', Aku noyo gitio!”

RINALATAN 23:11

Iorondom ragili, bigor Tuhan ra sapapa' ri Paulus am indagu, “Kaikango' ayuk guang muno! Nampaintutun kou ra ulun intor Raki' giti ra Jirusalim ti, am musiti' kou mampaintutun poyo koson ragitio giu' ra Roma niayuk.”