MATIUS 14:25 - Tanou Moonsoi Timugon

²⁵ Olo'-olo' lolot jam katalu am koonom iosusuab, minatong i Jisus risilo minugar ra rasawat ru timug.

MATIUS 14:25 ပူးပေါင်းရင်းမြစ်များ

AYUP 9:8

Kolondo' osoi pana ondo' nangindangan ri Aki Kapuuno' namingkal ra limbowon, kapoam nanginjang ra bakulung ru tambuakal ru raat.

MAZMUR 104:3

am manambaloi Kou ra intok masawat poyo kaga' intor ra limbowon. Tumampak Kou ra gaun am pansiabon Kou ru angin.

MATIUS 24:43

Karaa' min gitio! Amon ru ampu' ru baloi nakapandai sangulun mantatakou no matong, kalo mombolong io am kalo polosoon no mantatakou no sumubol ra baloi nano.

MARKUS 13:35

Ginio sabap ra tataanin, sabap ra akau kalo nakapandai paat ra ulian ru tatangan ra baloi; paat ra mamai', kapoam tanga' rondom, kapoam mampayung rondom kapoam matawang.

MARKUS 6:48

Maimpal No ilo mapagon kaga' mangkabil sabap ra mauma' nilo bagiu' mapuor. Olo'-olo' lolot jam katalu am koonom iosusuab, mininggaar Io risilo am minugar rasawat ru timug, koson mansail risilo.

LUKAS 12:38

Mumpara' boo bonsoi ru ulipon-ulipon no, amon ru ilai' ru tuan nilai ra nangkuliman am nakatampos ilo, kabalu' pana matong io ra tanga' ru rondom kapoam mabuoi intor raginio!

JUANIS 6:19

Nangkabil maamaya' Nano olo'-olo' limo kilomito noyo galur am kakito nilo i Jisus mugar ra rasawat ru timug. Mininggaar Io ra parau i am nangalaa' ilo kaga'.

PINAINTALANG 10:2

Mokoondo' io ra rondo' naskhah rinulun boborok nabingkal ra kalindu' nano. Kimininjang kalayam ra pamiris nano ra raat am kalayam ra kait nano ra lantur.

PINAINTALANG 10:5

Malaikat ondo' nakito kuno boo minigor ra raat am lantur no nangakat ra kalindu' pamiris nano patuluon ra suruga'.

PINAINTALANG 10:8

Bolos intor ra suruga' ondo' minindagu raki' ni, nambala' poyo raki', kono, “Ongoyo' noyo alapo' naskhah rinulun boborok ondo' nabingkal intor ra kalindu' ru malaikat no ondo' migor ra raat am lantur no.”