MATIUS 14:19 - Tanou Moonsoi Timugon

¹⁹ Io pana nanusub boo ra ulun masuang no mantuturung ra sakot no. Alapo' ri Jisus limo ngampila' ruti' am ruo ngaunor papait no. Pantingaa' Io ra limbowon am paringkuanang Io ri Aki Kapuuno'. Io pana namimilang boo ra ruti' no am pataaki' No ra maamaya'-maamaya' Nano am tatayaro' nilo ra ulun masuang no.

MATIUS 14:19 ပူးပေါင်းရင်းမြစ်များ

MATIUS 14:18

Indagu i Jisus, “Ibito' ragiti.”

MARKUS 6:39

Susubo' No ulun-ulun no mantutuliar ra rorondo' pantulibungan ra sakot no.

MARKUS 6:41

Kaalap No limo ngampila' ruti' am ruo ngaunor papait no, pantingaa' Io ra rasawat am paringkuanang Io ri Aki Kapuuno'. Pipilango' No boo ruti' no am pataaki' No ra maamaya' Nano koson posonongon nilo ra ulun masuang. Koson niayuk ra ruo ngaunor papait no taatayaro' No ra ngaangai' ulun i.

MARKUS 7:34

Kopongo raginio pantingaa' am pampalaa i Jisus am indagu ra ulun no, “Effata!” Ondo' arati' no “Kaukab no!”

LUKAS 22:17

Kopongo ragili alapo' boo ri Jisus sangkir, paringkuanang Io ri Aki Kapuuno', am indagu, “Alapo' min gitio, am sonongo' min tatayaro'.

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

LUKAS 24:30

Panturung Io gulung risilo, alapo' No ruti' i am paringkuanang Io ri Aki Kapuuno', am pipilango' No, am tatayaro' No risilo.

LUKAS 9:14

(Suang ru ungkuyon ra giu' i limo ngaribu ngaulun.) Indagu i Jisus ra maamaya' Nano, “Pantulibungo' min ilo ra kukula' ngampulupuk, limo ngoopor ngaulun ra sampulupuk.”

LUKAS 9:16

Alapo' ri Jisus limo ngampila' ruti' am ruo ngaunor papait i. Pantingaa' Io ra limbowon am paringkuanang ri Aki Kapuuno'. Pipilango' No ruti' am papait no am pataaki' ra maamaya' Nano koson tatayaron ra ulun-ulun no.

JUANIS 11:41

Insiro' nilo boo batu i. Pantingaa' boo i Jisus ra limbowon am indagu, “Ama', paringkuanangan Ku Rirun, sabap ra rinongog Mu noyo pakiasian Kuno.

JUANIS 6:23

Mokoondo' kukula' parau ra bokon intor ra pekan Tibirias minatong am raral mamaar ra intok ru Tuhan minindagu ra paringkuanangan ra ruti' ondo' inakan ru ulun masuang i.

RINALATAN 27:35

Pakaindagu raginio, alapo' ri Paulus ruti' am paringkuanang ri Aki Kapuuno' ra saang nilai. Pipilango' no am pangakan io.

ROMA 14:6

Osoi ayuk mampakaatang ra orou inaru' no, baalon no ginio koson mangurumat ra Tuhan. Osoi ayuk makaakan ra atan-atan ayuk, baalon no ginio koson mangurumat ra Tuhan, sabap ra maringkuanang io ri Aki Kapuuno' ra nangani' ra akanon. Osoi ayuk kalo mangakan ra kual, mangurumat io niayuk ra Tuhan am maringkuanang io ri Aki Kapuuno'.

1 KORINTUS 10:16

Paat ra itakau manginum ra anggur no, maringkuanang takau ri Aki Kapuuno'; paat ra itakau manginum no, makapagagapu takau ra raraa' ri Kristus. Nogondo' niayuk ra ruti' ondo' pipilangon takano ra itakau mangakan, makapagagapu takau ra inan ri Kristus.

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

1 KORINTUS 11:24

am pakaparingkuanangan Io ri Aki Kapuuno' raginio, pipilango' No ruti' i liliwa' minindagu, “Gitio noyo inan Kutu ondo' pataakin ramuyun. Akano' min gitio koson pangkaraan min Raki'.”

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.