MATIUS 13:30 - Tanou Moonsoi Timugon

³⁰ Polosoon ayuk alab no tumuu' saboi mangkumos. Aku pana mindagu boo ra ulun-ulun ondo' mangkumos no: Bubulo' min galing alab no am bongkoso' min, am pasuboon boo ra apui. Mopongo raginio bagu luluro' min gandum am paulion ra gudang.’ ”

MATIUS 13:30 ပူးပေါင်းရင်းမြစ်များ

2 SAMUIL 23:7

kolondo' sangulun pana masaga' mangambong raginio ra kalo mamakai ra basi' kapoam tutura'. Ulun koson raginio solobon koyoo'.

AYUP 39:12

Malansan kou kia ra sapi' masigo koson manimung ra kumoson, am magibit ra ampos ru tinanom muno mongoi ra intok pangagikan?

JISAYA 17:5

Israil masauk koson ra umo ondo' ampos nano nakumos noyo, am nokoloso koson ra umo giu' ra Limayak Ripaim paat ra makai' kakumos ampos nano.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MATIUS 13:25

Paat ra iorondom, paat ra ngaangai' ulun nombolong, sangulun pantula' ru mampatias no minatong am pampatanom ra alab pinaratok ra gandum no, am io pana ugar boo.

MATIUS 13:29

Taam io, ‘Kalo, amon ru bubulon min alab no ati ru makaaya' niayuk gandum no.

MATIUS 25:32

Ngaangai' ulun ru tana' ti timungon ra saang Nano. Lilion No ilo ti ra ruo ngantayaran, koson ra magagalung mampalili' ra domba nano intor ra kambing.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

LUKAS 3:17

Io ti koson ra ulun ondo' mangatap ra ngaangai' gandum no saboi mapasau, am timungon no ralalom ru kulapa'. Kaa' ngaangai' apol solobon ra apui ondo' kalo malasa' ra sabubuoi.”

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

1 TIMOTIUS 5:24

Mokoondo' niayuk tula ru sasangulun ondo' makito toojo am ukumin ra mataki', kaa' mokoondo' niayuk tula ru ulun bokon ondo' maintutunan ayuk ra tauli no.

1 SAMUIL 25:29

Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.