MATIUS 13:25 - Tanou Moonsoi Timugon

²⁵ Paat ra iorondom, paat ra ngaangai' ulun nombolong, sangulun pantula' ru mampatias no minatong am pampatanom ra alab pinaratok ra gandum no, am io pana ugar boo.

MATIUS 13:25 ပူးပေါင်းရင်းမြစ်များ

1 RAJA'-RAJA' 3:20

Paat ra tanga' ru rondom, tatanga' ra aku nombolong, tirong io am nangalap ra anak kuno intor raki', am nagibit ra anak kuno ra intok kaalangan nano. Kopongo raginio pinabanta' no baangkai ru anak nano ra intok kaalangan kuno.

MATIUS 13:24

Nantunung poyo i Jisus risilo ra rondo' abig. “Paat i Aki Kapuuno' mamarinta, baal no koson sangulun mampatias ra sampug ondo' moonsoi giu' ra umo nali.

MATIUS 13:26

Paat ra sampug no tumuu' am tumalimpuun sumasal, mauligan boo alab no.

MATIUS 13:27

Ulipon ru tuan no minatong riso am indagu, ‘Tuan, sala' ka kia nantanom kou ra sampug moonsoi giu' ra umo muno. Ati intor ru alab ti?’

MATIUS 13:29

Taam io, ‘Kalo, amon ru bubulon min alab no ati ru makaaya' niayuk gandum no.

MATIUS 13:30

Polosoon ayuk alab no tumuu' saboi mangkumos. Aku pana mindagu boo ra ulun-ulun ondo' mangkumos no: Bubulo' min galing alab no am bongkoso' min, am pasuboon boo ra apui. Mopongo raginio bagu luluro' min gandum am paulion ra gudang.’ ”

MATIUS 13:39

Pantula' ondo' nampatias ra sampug ru alab no Tingganai ru riwato. Pangkumasan no, ioginio Orou Pupus no, am ulun ondo' mangkumos no malaikat-malaikat.

MATIUS 25:5

Ungkuyon uatin ti nabuoi minatong am pokororot ngaangai' ralaa ti.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.