MATIUS 13:21 - Tanou Moonsoi Timugon

²¹ Kaa' tanou raginio kalo mantilayun ra guang nilono am kalo tumaan ra mabuoi. Paat ra ilo makakapaganan kapoam maimbolo' sabap ra tanou no, marayus kalawo guang nilono.

MATIUS 13:21 ပူးပေါင်းရင်းမြစ်များ

AYUP 19:28

‘Ati kulaan akai makapangimbolo' riso?’ Maguyum kau ra sasaban koson mamulunsar raki'.

MAZMUR 36:3

sabap ra ilo malilimbau, mangkara' ilo tula nilo kalo mapandayan am kalo kasisangin.

AMSAL 12:12

Ulun malaat mampaguang ra kalaatan ayuk, kaa' ulun moonsoi koson ayuk ra puun ondo' maikang am mangkawa'.

AMSAL 12:3

Kolondo' sangulun pana bayagon intor ra kalaatan, kaa' ulun mabanis guang mantilayun am kalo mauyog.

GOSIA 6:4

Kaa' indagu Tuhan, “Akau Israil am Jiuda, atan kia ondo' musiti' Kuno baalon ramuyun? Togom min Raki' mataki' lumiot koson ra makagaun kapoam bolobou bulintok ra mokorondom ra susuab ti.

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

MATIUS 11:6

Pakaansuk no ulun ondo' mangintopot ra Aku no kon ri Juanis.”

MATIUS 13:20

Sampug ondo' naratu' ra intok makabatu koson ra ulun ondo' maansayan mangapu ra tanou ti ra ilo mangkirongog.

MATIUS 13:57

Ginio ra ilo kalo nangapu Riso. Indagu i Jisus risilo, “Sangulun nabi omporon ra ati-ati intok, kaa' kalo omporon io ru mamagun am pabukat nano galama'.”

MATIUS 13:6

Paat ra mato ru orou no malasu', tutuu' ru sampug no liminonot sabap ra bakat nano kalo makasuku' ra ralalom am mapua' ra mataki'.

MATIUS 24:13

Kaa' osoi ayuk tumaan saboi ra pupus no bayagon.

MATIUS 26:31

I Jisus pana indagu boo ra maamaya'-maamaya' Nano, “Rondom raiti' niayuk magiru' am manatang kau Raki'. Sabap ra tinulisan noyo ra Buuk Kitab ra, ‘Potoyon Ku magagalung no am sampanon ru domba no mantutuliar boo.’

MATIUS 26:33

Kon ri Pitrus ri Jisus, “Iou pana ngaangai' ra bokon no manatang Rirun, kaa' aku kalo.”

MARKUS 4:17

Kaa' kalo riminondon ra guang nilo am sangkinolor ilo ayuk. Katiu' ilo ra imbolo' am kapaganan sabap ra Tanou ti, mataki' ilo kalo boo mangintopot.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

JUANIS 6:26

Taam i Jisus, “Balain takamin toojo: Maguyum kau Raki', sabap ra pai' ru nakarati' kau ra kaimuagan binaal Kuni, kaa' nakaakan kau noyo ra ruti' i saboi naasug.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

GALATIA 6:12

Ulun ondo' lumimbau ra baal ondo' makito ru ulun, ilo ti noyo ondo' mompogogot ramuyun ra sunatin. Mambaal ilo ayuk koson raginio bagu kalo boo maimbolo' ilo sabap ra namatayan ri Kristus ra salip.

GALATIA 6:15

Kaulayan ru sunatin kapoam kalo, ginio kalo maatang. Kaa' ondo' maatang am makakaayagan bagu.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

2 TIMOTIUS 1:15

Nakaintutun kou noyo ra ngaangai' ulun ru pagun Asia nangiruan raki', am nakaaya' niayuk i Pigilus am i Irmoginis.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.