MATIUS 12:44 - Tanou Moonsoi Timugon

⁴⁴ Mindagu io boo, ‘Sumaguli' aku ra inayanan ondo' tinatang kuli!’ Saguli' io am ilai' no inayanan no kolondo' minayan, mapasau am matampos.

MATIUS 12:44 ပူးပေါင်းရင်းမြစ်များ

GOSIA 7:6

Atang malaat nilo koson ra apui ondo' bibilak giu' ra ralalom ru rapuan. Sangit nilo malasu' giu' ra ralalom ru guang buoi ru rondom, am nasauk ra bilak ru apui ondo' nanimbula' ra maayo paat ra susuab ti.

MATIUS 12:29

Kolondo' sangulun pana makasubol ra baloi ru ulun maikang am mantakou ra kuliamos nano ondo' ak am bangkilon no pagulu ulun maikang no, bagu magaau no ngaangai' kuliamos no.

MATIUS 12:43

“Sanggilan riwato no mangiruan ra inan ru sasangulun, mangkayat riwato ra giu' ra intok masiluk maguyum ra intok tangusan. Kaa' kolondo' matuum no.

MATIUS 12:45

Riwato no pana ingkual boo am pampiau poyo ra tulu' riwato ondo' malaat kaga' intor riso, am ayan ilo boo ra inan ru ulun no. Am pupus no baal ru ulun no mulu' poyo malaat intor ra talimpuun i. Gitio noyo kasaukan ru ulun malaat orou raiti'.”

LUKAS 11:25

Saguli' io am ilai' no mapasau am moonsoi baloi i.

JUANIS 12:6

Rinagu no ginio sala' ka sabap ra masaga' io mangindangan ra ulun musikin, kaa' sotopot no io sangulun mantatakou. Io ti mampaguut ra rumpit nilai, am maindalom io noyo mantakou ra ruit ondo' pinabulian riso.

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 13:27

Kaalap ayuk ri Judas ruti' i, subol bagu Tingganai ru riwato riso. Indagu boo i Jisus riso, “Baalo' noyo atan guangon muno ra mataki'!”

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 JUANIS 4:4

Kaa' pabukat kau ngaangai', akau intor ri Aki Kapuuno'. Naanggal min nabi-nabi magabau sabap ra mokoondo' kau ra Ambiluo ondo' makakuasa' toojo intor ra ambiluo ru ulun ru tana' ti.