MATIUS 12:42 - Tanou Moonsoi Timugon

⁴² Paat ra Orou Pupus no, ratu Syiba migor am manguu' ramuyun, sabap ra minugar io saboi ra sampiruo ru tana' ti mongoi pangkirongog ra pangilaan matanda' toojo intor ri Raja' Salomo. Balain takamin: Giti raino mokoondo' maatang toojo intor ri Raja' Salomo!”

MATIUS 12:42 ပူးပေါင်းရင်းမြစ်များ

1 RAJA'-RAJA' 10:24

Ngaangai' ulun ra titikop ru tana' ti moogot matong koson mangkirongog ra kapintaran ondo' tinaakan ri Aki Kapuuno' riso.

1 RAJA'-RAJA' 3:12

iowon Ku kitaakon muno. Manaak Aku rirun ra kapintaran am karatian ondo' kalo igondo' linonggom kapoam longgomon ru osoi pana.

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

1 RAJA'-RAJA' 3:9

Ginio ra anii' aku ra kapintaran ondo' gogoton kuno koson mamarinta ra ulun Muno ra matimpok, am maa' raginio mapandayan ku ondo' moonsoi am ondo' malaat. Amon ru kalo, kalo lair masaga' aku mamarinta ra ulun Muno ondo' maayo ti?”

1 RAJA'-RAJA' 4:29

Nanaak i Aki Kapuuno' ra Raja' Salomo ra kapintaran am kapandayan ondo' makaimuag kaga' am niayuk pangaratian ondo' malandom kaga'.

1 RAJA'-RAJA' 4:34

Raja'-raja' ra titikop ru tana' ti nokorongog intor ra kapintaran ru Raja' Salomo, am nanusub ilo ra ulun mongoi riso koson rumongog ra raguon nano.

1 RAJA'-RAJA' 5:12

Nanugut Tuhan ra bantu' Nano. Nanaak Io ra Raja' Salomo ra kapintaran. Moonsoi pabukatan ru Raja' Giram am Raja' Salomo, am ilo ruo no nambaal ra nabantuan.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

MATIUS 12:41

Paat ra Orou Pupus no, ulun-ulun ru Niniwi migor am manguu' ramuyun sabap ra ilo timinalikur intor ra tula nilono paat ra ilo nangkirongog ra ragu ri Junus. Kaa' pakapandai no, ragiti mokoondo' maayo poyo intor ri Junus!

MATIUS 12:6

Balain takamin: Ragiti mokoondo' ondo' maatang poyo intor ra Baloi Tuhan.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

SAGULION 30:13

Intok no sala' ka niayuk giu' ra sandaup ru raat. Kalo pana mangkuot kau, ‘Osoi kia lumaup ra raat am magibit raginio ramon maa' raginio mokorongog am magagaya' mai?’