MATIUS 12:41 - Tanou Moonsoi Timugon

⁴¹ Paat ra Orou Pupus no, ulun-ulun ru Niniwi migor am manguu' ramuyun sabap ra ilo timinalikur intor ra tula nilono paat ra ilo nangkirongog ra ragu ri Junus. Kaa' pakapandai no, ragiti mokoondo' maayo poyo intor ri Junus!

MATIUS 12:41 ပူးပေါင်းရင်းမြစ်များ

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JIRIMIA 3:11

Nambala' boo Tuhan raki' ra kabalu' pana nangiruan i Israil Riso, moonsoi poyo i Israil intor ri Jiuda ondo' kalo gumagaya' no.

JUNUS 1:2

Indagu Io, “Ongoi no ra Niniwi, bandar maayo no, mompololob ra mamagun no, sabap ra nakapandai Aku ra mamagun no malaat kaga'.”

JUNUS 3:4

Siminubol i Junus ra bandar no, am kalupus nonsongorou minugar, tumalimpuun io mampatanou ra tanou ti, “Apat ngoopor ngoorou poyo, pusoon noyo Niniwi!”

MATIUS 12:39

Kaa' taam i Jisus, “Mumpara' boo laat am puka' ru ulun ra orou raiti'! Makitaak kau Raki' mambaal ra kaimuagan? Kolondo' kaimuagan patutunon Kuno ramuyun, kaa' rondo' ayuk, ioginio kaimuagan ri nabi Junus.

MATIUS 12:42

Paat ra Orou Pupus no, ratu Syiba migor am manguu' ramuyun, sabap ra minugar io saboi ra sampiruo ru tana' ti mongoi pangkirongog ra pangilaan matanda' toojo intor ri Raja' Salomo. Balain takamin: Giti raino mokoondo' maatang toojo intor ri Raja' Salomo!”

MATIUS 12:45

Riwato no pana ingkual boo am pampiau poyo ra tulu' riwato ondo' malaat kaga' intor riso, am ayan ilo boo ra inan ru ulun no. Am pupus no baal ru ulun no mulu' poyo malaat intor ra talimpuun i. Gitio noyo kasaukan ru ulun malaat orou raiti'.”

MATIUS 12:6

Balain takamin: Ragiti mokoondo' ondo' maatang poyo intor ra Baloi Tuhan.

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MATIUS 17:17

Taam i Jisus, “Mumpara' boo kalo mangintopot am liminayau kau! Kula' poyo buoi no Aku sumimpung mayan ramuyun? Kula' poyo buoi no Aku tumaan ramuyun? Ibito' ragiti lalaing no!”

MATIUS 23:36

Balain takamin: Ukum ru ngaangai' raginio paratuon ra ulun ra raino ti!”

LUKAS 11:32

Paat ra Orou Pupus no, mamagun ru Niniwi migor am manguu' ramuyun, sabap ra timinalikur ilo no intor ra tula nilo paat ra ilo nangkirongog ra ragu ri Junus. Kaa' giti raino mokoondo' sangulun ondo' maatang poyo intor ri Junus!”

JUANIS 3:31

Io ondo' matong intor ra suruga' maatang intor ra ngaangai'. Kaa' io ondo' intor ra tana' ti, ulun io tupo ru tana' ti; am ragu nano pana intor ayuk ra baal ru tana'. Kaa' Io ondo' matong intor ra suruga' maatang intor ra ngaangai'.

JUANIS 4:12

Kinamatuaan maili, i Jakub, nangani' ramon ra tulubong ti am io, anak am niayuk bibiag nano nanginum ra timug ragitio. Maatang Kou po kia intor ri Jakub?”

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.