MATIUS 12:39 - Tanou Moonsoi Timugon

³⁹ Kaa' taam i Jisus, “Mumpara' boo laat am puka' ru ulun ra orou raiti'! Makitaak kau Raki' mambaal ra kaimuagan? Kolondo' kaimuagan patutunon Kuno ramuyun, kaa' rondo' ayuk, ioginio kaimuagan ri nabi Junus.

MATIUS 12:39 ပူးပေါင်းရင်းမြစ်များ

2 RAJA'-RAJA' 14:25

Raja' Jirobiam nampagaau saguli' ra ngaangai' wilayah ondo' ragili linonggom ru Israil, intor ra Ginting Gamat giu' ra ralayo saboi ra Raat Matoi giu' ra rabugus. Koon raginio noyo ondo' binantu' ragili ru Tuhan, i Aki Kapuuno' ru Israil, pinabala' galing ra ulipon Nano, Nabi Junus anak ri Amitai intor ra Gat-Gipir.

JISAYA 57:3

Ibok kano, akau ulun makatula. Polosoon akau akimin! Laat mini koson ra ulun mangurana', ulun ondo' masaga' mansawa', am ulun mantalan ra inan.

JUNUS 1:1

Paat ra sangarawan, indagu Tuhan ri Junus anak ri Amitai.

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MARKUS 8:12

Pampalaa i Jisus am indagu, “Kua pakitaak kau ra kaimuagan? Mindagu Aku ramuyun, sotopot no akau ti kalo pakitonon Ku ra kaimuagan.”

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.