MATIUS 12:34 - Tanou Moonsoi Timugon

³⁴ Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

MATIUS 12:34 ပူးပေါင်းရင်းမြစ်များ

MAZMUR 53:1

Ra tingganai santimungan maririmbai. Sumugut ra rimbai: Ri Magalat. Sisindiron ri Daut.

MAZMUR 64:3

Sindungi' aku intor ra pampakatan ru ulun malaat, am intor ra ulun ondo' nausung.

MAZMUR 64:5

Mingkual ilo intor ra pansibunian am manimbaal ilo; ulun moonsoi simbaalin nilo.

AMSAL 16:23

Ulun mapintar mangkara' galing ra kalo poyo mindagu; ginio ra ragu-ragu nano makasubol ra guang.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

JISAYA 32:6

Ulun sasambungon mindagu ra ragu-ragu sasambungon am mangatang ra baal malaat. Binaal am raguon nilono magasab ra Tuhan. Kalo igondo' ilo panaak ra akanon ra ulun maitilan kapoam manaak ra inumon ra ulun pinaason.

JISAYA 59:14

Ukum ra matimpok pinatiran, am katimpakan pinainggalur. Kabanisan ru guang kalo lioon ra intok nasuangan, kaansayan paingkiingon.

JISAYA 59:4

Minongoi kau pantagi' ra makama kabalu' pana kolondo' sasaban am pinatasan ra kalo matimpok. Magabau kau am ingain min ondo' kolondo' onong; mampaguang kau koson mampajamar ra ulun bokon am mambaal ra kalaatan.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

MATIUS 12:35

Ulun moonsoi mampasalula' ra paliso moonsoi intor ra ralalom no, sabap ra io ti moonsoi. Ulun malaat mampasalula' ra paliso malaat intor ra ralalom no, sabap ra io ti malaat.

MATIUS 15:18

Kaa' atan ondo' mingkual intor ra kabang ru ulun no mingkual intor ra guang nano, am baal ragitio noyo mampajamol ra ulun.

MATIUS 23:33

Akau ngaangai' ti ulun malaat! Sayat kau ru kukuo! Akau ukumin mongoi ra naraka am kolondo' pagiruan min

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

LUKAS 3:7

Masuang ulun minatong makiriu' ri Juanis. Indagu i Juanis risilo, “Ulun malaat kau! Osoi mindagu ramuyun ra makapagiru' kau intor ra sangit am ukum ri Aki Kapuuno' ra maagu no?

LUKAS 6:45

Ulun moonsoi makapaliso niayuk ra moonsoi, sabap ra guang nano napanu' ra kaansayan. Ulun malaat makapaliso niayuk ra malaat, sabap ra guang nano napanu' ra kalaatan. Sabap ra atan ondo' raguon ru ulun matong intor ra guang.”

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

IPISUS 5:4

Ginio poyo, kalo moonsoi akau manabit ra ragu makauyuyu', sasambungon, kapoam anja' ra jajajou. Kaa' moonsoi ru mindagu kau ayuk ra paringkuanangan ri Aki Kapuuno'.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 SAMUIL 24:13

Gama' ru mamatas Tuhan no ra osoi ondo' makasala, aku kapoam okou. Amon ru mambalos Tuhan no ra binaal muno raki', kaa' kalo rualin tokou ra sanganu pana.