MATIUS 12:32 - Tanou Moonsoi Timugon

³² Osoi ayuk magasab ra Anak ru Ulun, maalap ra ampun. Kaa' osoi ayuk magasab ra Ambiluo ri Aki Kapuuno' kalo maalap ra ampun, paat ra raino kapoam Orou Pupus no!”

MATIUS 12:32 ပူးပေါင်းရင်းမြစ်များ

AYUP 36:13

Ulun ondo' kalo makaulig ri Aki Kapuuno', mambuli ra sangit; kabalu' pana ukumin, kalo makiasi' ilo ra makiindangan.

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

MATIUS 12:31

Ginio ra balain takamin: Tula ra atan ayuk pana binaal ru ulun, kapoam mindagu ra ragu-ragu malaat, maalap ra ampun. Kaa' osoi ayuk magasab ra Ambiluo ri Aki Kapuuno', kalo maalap ra ampun!

MATIUS 12:8

Sabap ra Anak ru Ulun no Tuhan ra orou Sabat.”

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 13:39

Pantula' ondo' nampatias ra sampug ru alab no Tingganai ru riwato. Pangkumasan no, ioginio Orou Pupus no, am ulun ondo' mangkumos no malaikat-malaikat.

MATIUS 13:40

Koson ra alab no timungon am suruin ra apui, koson niayuk ra Orou Pupus ra tauli no.

MATIUS 13:55

Sala' ka kia Io ti anak ru sangulun manambaloi ayuk? Sala' ka kia i Maria no ina' Nano, am pabukat Nano i Jakub, i Jusup, i Simon am i Judas?

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

MARKUS 10:30

am paat ra raino ti ulun no maaru' makaalap maatus poyo ruli'. Maruangan poyo ayanan, pinongkotob ra ungkuyon kapoam ruandu', ina', lalaing-lalaing nano, lanau am umo nano am maimbolo' niayuk. Ra orou tauli no makaalap ulun no ra kaayagan motopot am mantilayun.

MARKUS 3:28

Balain takamin, sotopot no ngaangai' tula am asab rinagu ru ulun ampunon.

MARKUS 3:29

Kaa' osoi ayuk magasab ra Ambiluo ri Aki Kapuuno', kalo ampunon io ra sabuoi-buoi no, sabap ra nambaal io ra tula mantilayun.” (

LUKAS 12:10

Osoi ayuk magasab ra Anak ru Ulun, ampunon niayuk; kaa' osoi ayuk magasab ra Ambiluo ri Aki Kapuuno', kalo ampunon.

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

LUKAS 18:30

mauli' pambabalos riso ra raino ti am ra orou tauli no mokoowot io ra kaayagan mantilayun.”

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

LUKAS 7:34

Ratong Anak ru Ulun, mangakan am manginum Io am kamin boo, ‘Ilai' ulun no! Moroot, gagaukon, kumubayau Io ra ulun mampalulur ra cukai am ulun ondo' karaan ra malaat.’

JUANIS 7:12

Ulun masuang i pana posokonos ayuk mansunur Riso. Mokoondo' mindagu ra, “Ulun moonsoi Io.” Mokoondo' poyo bokon mindagu, “Kalo! Mampakalayau Io ra ulun.”

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

JUANIS 7:52

Taam ilo, “Kua saungo' mu Io, okou pana intor ra Galilia kia? Aratio' Buuk Kitab no am mapandayan mu ra kolondo' sangulun pana nabi matong intor ra Galilia.” [

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

IPISUS 1:21

Giu' no i Kristus manguasa' ra ngaangai' mamarinta, tingganai, mangunguasa', kaikangan am tuan-tuan. Kuasa' Nati maayo kaga' ka atan ayuk soroi ra raino ti kapoam niayuk ra matong no.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.