MATIUS 12:29 - Tanou Moonsoi Timugon

²⁹ Kolondo' sangulun pana makasubol ra baloi ru ulun maikang am mantakou ra kuliamos nano ondo' ak am bangkilon no pagulu ulun maikang no, bagu magaau no ngaangai' kuliamos no.

MATIUS 12:29 ပူးပေါင်းရင်းမြစ်များ

JISAYA 49:24

Mangkuot kau, “Gaawon kia nua' kuliamos ondo' inalap ru sangulun tutumula', kapoam ulun narakop gaawon intor ra kalindu' ru ulun malaat kaga'?”

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

MATIUS 12:28

Ambiluo ri Aki Kapuuno' nangani' Raki' ra kuasa' mampagiru' ra riwato, am gitio mampainono' ra i Aki Kapuuno' nakatalimpuun noyo mamarinta ra gino ngai' min.

MATIUS 12:30

Osoi ayuk sala' ka bala Kuno sotopot no manggal Raki', am osoi ayuk kalo sumambaya' Raki' manimung, sotopot no mampatuliar!

MARKUS 3:27

Kolondo' sangulun pana makasubol ra baloi ru sangulun maikang koson mantakou ra baloi raginio, amon ru kalo bangkilon no galing ulun maikang no, am bagu no makapantakou io ra kuliamos no.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

1 JUANIS 4:4

Kaa' pabukat kau ngaangai', akau intor ri Aki Kapuuno'. Naanggal min nabi-nabi magabau sabap ra mokoondo' kau ra Ambiluo ondo' makakuasa' toojo intor ra ambiluo ru ulun ru tana' ti.