MATIUS 12:28 - Tanou Moonsoi Timugon

²⁸ Ambiluo ri Aki Kapuuno' nangani' Raki' ra kuasa' mampagiru' ra riwato, am gitio mampainono' ra i Aki Kapuuno' nakatalimpuun noyo mamarinta ra gino ngai' min.

MATIUS 12:28 ပူးပေါင်းရင်းမြစ်များ

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

MATIUS 12:29

Kolondo' sangulun pana makasubol ra baloi ru ulun maikang am mantakou ra kuliamos nano ondo' ak am bangkilon no pagulu ulun maikang no, bagu magaau no ngaangai' kuliamos no.

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 21:43

“Karaa' min,” ragu ri Jisus, “Barakat ru Pamarintaan ri Aki Kapuuno' alapon intor ramuyun am pataakin ra bansa' ondo' gumagaya' ra panusuban ri Aki Kapuuno'.” [

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

MARKUS 1:15

Ragu Nano, “Paat nano naukop noyo; i Aki Kapuuno' tumalimpuun mamarinta. Talikur kano intor ra tula mino am pangintopot kano ra Tanou Moonsoi ti!”

MARKUS 11:10

Kabarakat noyo pamarintaan Nano ra orou matong no – pamarintaan ru raja' Daut kinamatuaan takau! Omporo' noyo i Aki Kapuuno'!”

MARKUS 16:17

Tatandu' ragitio sumumbaya' ra ulun ondo' mangintopot: Mampagiru' ilo ra riwato ralalom inggalan Kuno, mansusunur ilo ra ragu kalo maratian nilo.

LUKAS 10:11

‘Kaau pana ru bandar min ti ondo' siminokot ra kasut mai ti, kabulin mai ra saang min. Kaa' karaa' min, mamaar noyo i Aki Kapuuno' tumalimpuun mamarinta ramuyun.’

LUKAS 11:20

I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.