MATIUS 12:27 - Tanou Moonsoi Timugon

²⁷ Mindagu kau ra Aku mampagiru' ra riwato sabap ra inanian Aku ru Biiljibul no ra kuasa'. Amon ru koson raginio, osoi kia nangani' ra maamaya'-maamaya' mino ra kuasa' koson mampagiru' ra riwato? Maamaya' mino galama' mampainono' ra pamaguangan mino nasala!

MATIUS 12:27 ပူးပေါင်းရင်းမြစ်များ

MATIUS 10:25

Atan baalon nilo ra mangingila', baalon nilo niayuk ra migigila', am atan baalon nilo ra tuan, baalon nilo niayuk ra ulipon. Amon ru puun ru baloi no sabiton ra Biiljibul, mapara' piboo laat ru ulun ru baloi raginio sabiton ru ulun.”

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MATIUS 9:34

Kaa' ulun-ulun ru Parisi minindagu, “Tingganai ru riwato no nanaak Riso ra kuasa' koson mampagiru' ra riwato.”

LUKAS 11:19

Koson poyo raginio, osoi ra kuasa' inalap ru maamaya' mino mampagiru' ra riwato? Ilo galama' mapaintutun ra akau noyo galama' kalo motopot!

LUKAS 19:22

Indagu raja' no riso, ‘Okou no ulipon ra kolondo' onong! Ragu muno galama' mangukum rirun. Nakapandai kou noyo ra aku kolondo' guang. Sala' pana ka aku tatangan, alapon ku niayuk, am sala' ka tinanom ku, kumoson ku niayuk.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.