MATIUS 12:15 - Tanou Moonsoi Timugon

¹⁵ Paat ri Jisus nakatutun ra panguyatan mamatoi Riso, ugar Io intor ra intok raginio; am masuang ulun ondo' minaya' Riso. Namabas Io ra ngaangai' ulun ondo' marualan,

MATIUS 12:15 ပူးပေါင်းရင်းမြစ်များ

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MATIUS 19:2

Masuang ulun minaya' Riso am babaso' No ulun-ulun mangarualan ra giu' i.

MARKUS 6:56

Ati ayuk angayan Nano, pamagunan, pekan kapoam bandar, ulun mapabanta' ra ulun-ulun marualan giu' ra tamu, am makitaak ilo Riso koson pokombongon ilo ayuk ra pompor ru sukub Nano. Ngaangai' ulun pana ondo' nakakambong i, nababas.

LUKAS 5:22

Nakapandai i Jisus ra pamaguangan nilai, indagu Io, “Kua pampaguang kau koson raginio?

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

LUKAS 9:11

Pakatutun ulun masuang no ra giu' Io, sunu' ilo ri Jisus. Apuo' No ilo am pantunung Io ati kulaan i Aki Kapuuno' mamarinta am namabas Io niayuk ra ulun marualan.

JUANIS 11:54

Ginio ri Jisus kalo boo minintalang ra ulun masuang ra Judia, kaa' minongoi Io ra pekan Ipraim, maar ra tana' kaagisan, am ayan Io am maamaya' Nano ra giu' i.

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.

JUANIS 9:4

Buoi matawang ayuk poyo, itakau musiti' mangandoi ra atan ondo' pakandayin ru Io ondo' nanusub Raki' i. Matong molondom no am paat raginio kolondo' sangulun pana makapangandoi.

GALATIA 6:9

Ginio ra, pai' takano kajala' mambaal ra ondo' moonsoi. Sabap ra amon ru kalo malawo guang takau, masuku' niayuk paat ra itakau mangkumos ra ampos nano.

1 PITRUS 2:21

Nampiau i Aki Kapuuno' ramuyun pantataan ra akau imboloon sabap ra mambaal ra moonsoi. I Kristus galama' inimbolo' ra bala min, am raginio nakapangani' Io ramuyun ra tiluan ondo' moonsoi suguton min.