MATIUS 12:10 - Tanou Moonsoi Timugon

¹⁰ Giu' no mokoondo' sangulun ondo' longon ra satata' nano minatoi. Kaa' mokoondo' niayuk kukula' ngaulun masaga' manguu' ri Jisus ra baal masala. Pangkuot ilo ri Jisus, “Mamabas ra ulun paat ra orou Sabat ti manggal kia ra Ukum ri Musa no?”

MATIUS 12:10 ပူးပေါင်းရင်းမြစ်များ

JISAYA 32:6

Ulun sasambungon mindagu ra ragu-ragu sasambungon am mangatang ra baal malaat. Binaal am raguon nilono magasab ra Tuhan. Kalo igondo' ilo panaak ra akanon ra ulun maitilan kapoam manaak ra inumon ra ulun pinaason.

JISAYA 59:13

Lumungkang akai am gumuor ra Tuhan, am kalo masaga' maya' ri Aki Kapuuno' mai. Nangimbolo' akai ra ulun bokon am liminayau; pangkaraan mai nakalayau, am ragu-ragu mai abau ayuk.

JISAYA 59:4

Minongoi kau pantagi' ra makama kabalu' pana kolondo' sasaban am pinatasan ra kalo matimpok. Magabau kau am ingain min ondo' kolondo' onong; mampaguang kau koson mampajamar ra ulun bokon am mambaal ra kalaatan.

JAKARIA 11:17

Kaulas noyo magagalung ondo' kolondo' onong no! Nangiruan io ra domba sampanon nano. Pangayawan mamupus ra kuasa' nano. Kalindu' nano lumawo am mato pamiris nano moolou.”

MATIUS 12:2

Paat ra ulun-ulun ru Parisi nakakito raginio, konilo ri Jisus: “Ilai' noyo, maamaya'-maamaya' Muno minanggal ra Ukum ri Musa mambaal koson raginio paat ra orou Sabat!”

MATIUS 19:3

Kukula' ngaulun ru Parisi minatong koson mangkinam ri Jisus ralalom pangkuatan. Konilo, “Sumugut ra Ukum ri Musa, iowon kia sangulun mangali ra andu' nano maya' ra kasagaan nano galama'?”

MARKUS 3:2

Mangurio toojo ulun-ulun ri Jisus, insan ru mamabas Io ra ulun paat ra orou Sabat, maa' raginio mauwan nilo Io.

LUKAS 11:54

koson maguyum ilo ra sala ralalom raguon Nali, maa' raginio makaalap ilo ra panguwan mamparakop Riso.

LUKAS 13:14

Kaa' tingganai ru baloi sambayangan siminangit sabap ra namabas i Jisus paat ra orou Sabat. Indagu tingganai i ra ulun masuang no, “Onom ngoorou itakau makapangandoi, ratong kau pakibabas ra orou raginio am sala' ka paat ra orou Sabat!”

LUKAS 20:22

Balai' akai, sumugut ra Ukum ri Musa, makasala kia kapoam kalo mambayar ra cukai ra Kaisar Roma?”

LUKAS 23:14

Indagu io risilo, “Pinauma' min ulun ti raki' am nambala' kau ra nampakalayau Io ra ulun masuang. Kaa' inilayan ku Io no toojo ra saang min, am kolondo' sala natuum kuno koson ra nanguwan min Riso i.

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

JUANIS 5:10

Ginio boo ra indagu tingganai ru ulun ru Jaudi ra ulun ondo' bagu ayuk kapali' i, “Orou raiti' orou Sabat takau; minanggal kou noyo ra Ukum ri Musa ra nangkayang kou ra apin muno.”

JUANIS 5:3

Masuang ulun marualan salangan-langan ayuk ra tulus i: ilo no ulun bolou, kimpo' am niayuk ondo' kalo makalulu'. [Maginaa ilo ra timug ti luminggan.

JUANIS 7:23

Amon ru sunatin min lalaing ungkuyon paat ra orou Sabat am gitio kalo manggal ra Ukum ri Musa, kolondo' sasaban sumangit Raki' sabap ra kinapali' Ku ngaangai' ra sangulun paat ra orou Sabat?

JUANIS 8:6

Nangkuot ilo koson raginio sabap ra masaga' ilo mangkinam Riso, koson makapanguu' ilo boo Riso. Kaa' kuung i Jisus am tulisi' no tana' i ra kalindu' Nali.

JUANIS 9:16

Mokoondo' kukula' ngaulun intor risilo i minindagu, konilo, “Ulun ondo' nambaal ragitio maaru' sala' ka intor ri Aki Kapuuno', sabap ra kalo gagayaan No aturan ru orou Sabat.” Kaa' kon poyo ru bokon i, “Sala', ati kulaan sangulun makatula makapambaal ra kaimuagan koson raginio?” Ginio boo ra nagagansang ilo.