MATIUS 11:6 - Tanou Moonsoi Timugon

⁶ Pakaansuk no ulun ondo' mangintopot ra Aku no kon ri Juanis.”

MATIUS 11:6 ပူးပေါင်းရင်းမြစ်များ

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MATIUS 13:21

Kaa' tanou raginio kalo mantilayun ra guang nilono am kalo tumaan ra mabuoi. Paat ra ilo makakapaganan kapoam maimbolo' sabap ra tanou no, marayus kalawo guang nilono.

MATIUS 18:7

Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!

MATIUS 24:10

Paat raginio masuang ulun kalo boo mangintopot Raki'. Ilo ti mampataak ra rondo' am bokon ra pantula' am mansisang rondo' am bokon.

MATIUS 26:31

I Jisus pana indagu boo ra maamaya'-maamaya' Nano, “Rondom raiti' niayuk magiru' am manatang kau Raki'. Sabap ra tinulisan noyo ra Buuk Kitab ra, ‘Potoyon Ku magagalung no am sampanon ru domba no mantutuliar boo.’

MATIUS 5:29

Amon ru mato pamiris muno mangkinibit rirun makatula, kuolo' am patiri'! Moonsoi poyo ra matatakan kou ra santayaran ru inan muno intor ra ngaangai' ru inan muno patirin ra naraka.

MARKUS 6:3

Sala' ka kia Io ti sangulun manambaloi, anak ri Maria, pabukat ri Jakubus, i Josis, i Judas am i Simon? Sala' ka kia pabukat-pabukat ruandu' Nano soroi ritakau?” Ginio ra kalo boo nangapu ilo Riso.

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

LUKAS 7:23

Pakaansuk noyo ulun ondo' pangintapatan nano Raki' kalo malawo!”

JUANIS 16:1

Nambala' Aku ramuyun raginio koson pangintapatan mino kalo malawo.

JUANIS 6:66

Intor raginii, masuang maamaya' Nano timinuliar am kalo boo maya' ilo Riso.

1 KORINTUS 2:14

Ulun ondo' kalo nokoowot ra Ambiluo ri Aki Kapuuno', io kalo makaapu ra taak intor ra Ambiluo no. Totopot kalo makarati' io ra taak no. Pangkaraan no, ginio sasambungon ayuk. Sabap ra kalo makarati' io amon ru kalo indanganon ru Ambiluo ri Aki Kapuuno' no.

GALATIA 5:11

Pabukat kau ngaangai', amon ru totopot ku potonowo' baal ru sunat ti, kua ra aku ti lakat poyo nai imboloon? Amon ru motopot gitio, tanou ra pinasaboi kutu intor ra salip ri Kristus kalo ga pana imuagon.

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.