MATIUS 11:5 - Tanou Moonsoi Timugon

⁵ Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 11:5 ပူးပေါင်းရင်းမြစ်များ

2 RAJA'-RAJA' 5:14

Ginio ra tuun i Naaman ra Sungoi Jordan am linjob io intulu' koson ra ondo' nanusuban ru Nabi Ilisa. Kopongo raginio napali' maruol nano kalingon. Inan nano maligag saguli' koson ra inan ru sangulun lalaing boborok.

2 RAJA'-RAJA' 5:7

Pakabasa' raja' ru Israil ra surat no, rilako' no bayang nano sabap ra mangiluk guang. Kono, “Ati kulaan raja' ru Siria no makitaak raki' mamabas ra ulun ti? Mangkara' io nua' ra aku ti i Aki Kapuuno' ondo' makakuasa' koson mamayag am mamatoi ra ulun? Maaru' maguyum-guyum io ra sasaban koson makimansangor raki'!”

MAZMUR 146:8

am ulun nobolou mato pinali' No. Pinaikang No ulun malawo guang; tagamin No ulun ra gumagaya' Riso.

MAZMUR 22:26

Ralalom pantitimungan maayo ru ulun mangintopot Rirun, omporon Tokou sabap ra ngaangai' ondo' binaal Muno; ra talupak ru ngaangai' ulun ondo' sumamba Rirun patutuyon ku taak ondo' binantu' kuli.

KAINGKUALAN 4:11

Indagu boo Tuhan ri Musa, “Osoi kia mangani' ra ulun ra kabang? Osoi kia mopobobou kapoam mapabarat ra ulun? Osoi kia mapakito kapoam mopobolou ra ulun? Aku, Tuhan.

JISAYA 29:18

Masuku' orou raginio, ulun barat mokorongog ra ulun mambasa' ra kitab, am ulun bolou ondo' naayag ralalom kalandaman, makakito.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 43:8

Mindagu i Aki Kapuuno', “Susubo' noyo ulun Kuno rumatong muma'. Makamato ilo, kaa' bolou; makatalingo ilo, kaa' barat!

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JAKARIA 11:7

Ulun mantalan ra domba nampagaji' raki', am aku pana nasauk ra magagalung ru domba sampanon ondo' simbaluyon. Alapon ku ruo jujuga': ondo' rondo' inggalanin ku “Kataawan” am ondo' rondo poyo “Pasimpungan”. Tumalimpuun aku boo magalung ra domba-domba no.

MATIUS 10:8

Babaso' min noyo ulun ondo' marualan; paluato' min noyo ulun ondo' minatoi, babaso' min noyo ulun ondo' makamaruol ra kungkung maaja', am pagiruo' min noyo riwato-riwato. Inanian kau ra kalo kinilagaan am panaak kau pai' min kilagai'!

MATIUS 11:4

Taam i Jisus, “Saguli' no am balai' i Juanis ra atan ondo' morongog am makito min:

MATIUS 12:13

Indagu boo i Jisus ra ulun no, “Patutuyo' longon muno.” Patutuyo' no boo longon nano, am kapali' boo koson ra longon no ra sapapa' no.

MATIUS 21:14

Kukula' ngaulun bolou am pakira' riminatong ri Jisus giu' ra Baloi Tuhan am binabas ilo ri Jisus.

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

MATIUS 9:30

Ilo pana makakito boo. Pinsono' ilo boo ri Jisus, “Pai' kau pambala' ra baal ragitio ra osoi ayuk pana.”

MARKUS 7:37

Ngaangai' ondo' nokorongog no nangimuag kaga'. Konilo, “Moonsoi toojo baalon Nano, ondo' barat mokorongog am bobou makaindagu.”

MARKUS 9:25

Paat ri Jisus nakakito ra ulun masuang mongoi limpu, susubo' No riwato no, “Riwato mampakabarat am mompokobobou, susubon tokou mingkual intor ra lalaing ti am pai' no subol saguli'!”

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

JUANIS 10:25

Taam i Jisus, “Nambala' Aku noyo ramuyun, kaa' kalo nangintopot kau. Ondo' baalon Kuno ralalom inggalan Ama' Kuno, ginio noyo mampaintutun Raki'.

JUANIS 10:38

Kaa' amon ru baalon Ku, am kalo mangintopot kau ra ragu Kutu, pangintopot kano Raki' ra binaal Kuli. Bagu no makapandai am makarati' kau ra i Ama' masimpung Raki', am Aku pana masimpung ri Ama'.”

JUANIS 2:23

Paat ri Jisus soroi ra Jirusalim ra Pangiantakan ra Paska, masuang ulun nangintopot Riso, sabap ra nakakito ilo ra kaimuagan ondo' binaal Nano.

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 5:36

Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.

JUANIS 9:7

Indagu boo i Jisus riso, “Ongoi no panginjagup giu' ra kulam Siloam.” (Arati' ru Siloam no, ‘sinusub’.) Ginio ra ongoi ulun i panginjagup am ra io minuli', makakito io no.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.