MATIUS 11:30 - Tanou Moonsoi Timugon

³⁰ Gagayaa' noyo susuban Kuno sabap ra matasu' am mamaan pasaanin Kuno ramuyun.”

MATIUS 11:30 ပူးပေါင်းရင်းမြစ်များ

AMSAL 3:17

Kapintaran manaak rirun ra kaayagan moonsoi am katasuan.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MATIUS 12:1

Kalo boo nabuoi ragili, paat rondo' orou Sabat, pansail i Jisus ra umo ru gandum. Maamaya'-maamaya' Nano naitilan, am tumalimpuun ilo mangupu' ra gandum no am akano'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 15:10

Ginio ra, kua guat pangkinam kau ri Aki Kapuuno' koson mantipagon ra ulun Kristian ti ondo' kalo noyo nasugut ru kinamatuaan takali am mulu' poyo itakau galama'?

RINALATAN 15:28

Ambiluo ri Aki Kapuuno' nabaya' ramon nangiou ra kalo mantipagon akai ramuyun suai poyo gitio ayuk ondo' kalo mabaal min:

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

GALATIA 5:18

Kaa' amon ru Ambiluo ri Aki Kapuuno' maningganai ramuyun, kalo boo kinuasa' kau ru Ukum ri Musa.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

1 JUANIS 5:3

Motogom ri Aki Kapuuno', arati' no, gumagaya' ra susuban Nano. Susuban Nano kalo niayuk mapagon baalon takau,