MATIUS 11:28 - Tanou Moonsoi Timugon

²⁸ “Ratong kano Raki' akau ngaangai' ondo' naagui sabap ra naagatan; patanguson takamin.

MATIUS 11:28 ပူးပေါင်းရင်းမြစ်များ

AYUP 14:1

Ulun inanak ra malawo am kalo maikang, kaayagan nilo mariwa' am mapagon.

AYUP 5:7

Ulun galama' noyo ondo' namparatong ra kapaganan ra inan nilo, koson ra panjut ondo' mansiab intor ra apui.

MAZMUR 116:7

Kolondo' pagalabaan kuno, sabap ra moonsoi Tuhan raki'.

MAZMUR 32:4

Orou rondom inukum Mu aku, iou Tuhan; kolondo' boo lulu' kuno koson ra bolobou napua' ra lasu' ru mato ru orou.

MAZMUR 38:4

Sabap ra sangit Muno narualan malanjag aku; sabap ra tula kuno ngaangai' ru inan kuno mangaruol.

MAZMUR 94:13

Simoyoon Mu ilo bulintok ra ilo makakapaganan, saboi nangkali ilo ra tulubong koson mapalandak ra ulun malaat.

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 1:8

Ngaangai' makajala', kalo maragu. Mato kalo majala' magilong, talingo kalo majala' mangkirongog.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 28:12

Tuhan manaak ramuyun ngaangai' ra intok tangusan, kaa' marara' kau mangkirongog Riso.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JIRIMIA 31:25

Paikangon Ku ilo ondo' maagui, am basugon ilo ondo' malawo sabap ra naitilan.

JIRIMIA 35:16

Ginagaya' ru papag ri Jonadab susuban ru kinamatuaan nilo, kaa' kalo ginagaya' min Aku.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

MATIUS 23:4

Ilo ti manusub ra ulun mambaal ra mapagon kaga', kaa' ilo galama' kalo mangindangan risilo ra koborok pana.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

RINALATAN 15:10

Ginio ra, kua guat pangkinam kau ri Aki Kapuuno' koson mantipagon ra ulun Kristian ti ondo' kalo noyo nasugut ru kinamatuaan takali am mulu' poyo itakau galama'?

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.