MATIUS 11:25 - Tanou Moonsoi Timugon

²⁵ Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

MATIUS 11:25 ပူးပေါင်းရင်းမြစ်များ

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

KASAUKAN 14:22

Taam i Abram, “Magibot aku ra saang ru Tuhan i Aki Kapuuno' Ondo' Masawat Kaga' no, napasauk ra limbowon am tana' ti,

2 RAJA'-RAJA' 19:15

am pakiasi', “Iou Tuhan, i Aki Kapuuno' ru Israil, Okou ondo' nanturung giu' ra rasawat ru kirub; Okou rorondo' ayuk i Aki Kapuuno' mamarinta ra ngaangai' pamarintaan ra tana' ti. Okou nambaal ra limbowon am tana' ti.

1 TUNUNG RU BANSA' ISRAIL 29:13

Raino, iou Aki Kapuuno' mai, maringkuanang akai Rirun am mongompor akai ra inggalan Muno ondo' maayo.

AYUP 37:24

Ginio sabap ra moonong ulun mangurumat ri Aki Kapuuno', am ulun ondo' mangiou ra io no mapintar kalo lioon No.”

MAZMUR 8:2

Iou Tuhan, i Aki Kapuuno' mai, katulayan Muno makito ra titikop ru tana' ti! Suku' ra limbowon no katulayan Muno inompor,

JISAYA 5:21

Aibui boo ramuyun! Pangkaraan min, mapintar kau am mapandai toojo!

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

MATIUS 16:17

“Pakaansuk no Simon, anak ri Juanis!” kon ri Jisus, “sabap ra katapatan ragitio sala' ka intor ra ulun, kaa' gitio pinabala' rirun ri Ama' Kuno giu' ra suruga'.

MATIUS 21:16

Konilo ri Jisus, “Makaining kou ra atan sinabit nilono?” “Iou, makaining Aku,” taam i Jisus. “Kalo kia igondo' kau pambasa' tayar ru Buuk Kitab ragitio? ‘Lalaing am lalagang inila' Mu noyo mongompor ra matanda'.’ ”

LUKAS 22:42

“Ama', amon ru masaga' Kou, painggaluro' noyo sangkir kaimbalaan ti intor Raki'. Kaa' sala' ka sumugut ra kasagaan Kuno, kaa' kasagaan Muno ayuk saukon.”

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

JUANIS 11:41

Insiro' nilo boo batu i. Pantingaa' boo i Jisus ra limbowon am indagu, “Ama', paringkuanangan Ku Rirun, sabap ra rinongog Mu noyo pakiasian Kuno.

JUANIS 12:27

“Maimamang Aku raino. Atan nua' raguon Kutu? Raguon Ku kia, ‘Ama', pai' Aku paintumaa' ragitio’? Kalo, gitio ra aku minatong, koson makaili' aku ra kaimbalaan ti.

JUANIS 12:28

Ama', pakitono' noyo katulayan Muno.” Morongog boo mokobolos intor ra suruga', “Pinakito Ku noyo katulayan Kuno, am pakitonon Ku poyo.”

RINALATAN 17:24

I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

1 KORINTUS 2:10

Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.

2 KORINTUS 3:14

Kaa' koson risilo, kinotog nilo guang nilai no. Saboi ra orou raiti' guang nilai no lakat ayuk poyo nasilian paat ra ilo mambasa' ra kitab Nabantuan Lair no. Ginio maalap ayuk kairu' paat ra sasangulun no masimpung ri Kristus.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.