MATIUS 11:21 - Tanou Moonsoi Timugon

²¹ “Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

MATIUS 11:21 ပူးပေါင်းရင်းမြစ်များ

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

JOIL 3:4

Atan kia ondo' kinamin mu baalo' Raki', okou Tirus, Sidon am titikop ru wilayah Palistin? Kuminam kau kia mansuli' Raki'? Amon ru koson poyo raginio, balasin Takamin ra mataki'.

AMOS 1:9

Indagu Tuhan, “Mamagun ru Tirus ruruli' noyo makatula, ginio ra maaru' ukumin Ku ilo. Nagibit ilo ra ngaangai' ulun intor ra rondo' bansa' giu' ra pamatiran ra pagun ru Idom; kalo nanugut ilo ra nabantuan ru pabukatan ondo' binaal nilo.

MATIUS 11:22

Karaa' min, paat ra Orou Pupus no, maayo guang ri Aki Kapuuno' makaasi' ra ulun ru Tirus am Sidon ka akau!

MATIUS 15:21

Iruani' ri Jisus intok raginio am ongoi boo ra libung ondo' mamaar ra bandar Tirus am Sidon.

MATIUS 18:7

Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”

MARKUS 3:8

bandar Jirusalim, libung ru Idumia, tampilon sirangon ru Sungoi Jordan, am bandar Tirus am Sidon. Masuang timinuum Riso sabap ra nokorongog ilo ra ngaangai' binaal Nano.

MARKUS 6:45

Kopongo ragili i Jisus nanusub ra maamaya' Nali, koson sumakoi ra parau magulu lumaup ra Bitsaida. Paat raginio niayuk nanusub Io ra ulun masuang muli'.

MARKUS 7:24

Ugar boo i Jisus intor ra giu' no am ongoi ra libung mamaar ra bandar Tirus. Subol Io ra rondo' baloi, sabap ra kalo masaga' Io ra ulun makatutun ra ayanan Nano. Kaa' rinatangan Nali kalo naalap ra ali'.

MARKUS 7:31

Kopongo ragili iruani' ri Jisus libung ru Tirus am pansail Io ra bandar Sidon am libung ru Mopor Pekan mongoi ra Tasik Galilia.

MARKUS 8:22

Kabuoi ragili pakasuku' noyo i Jisus am maamaya' Nano ra Bitsaida. Ulun-ulun nangaak ra sangulun bolou paumaan ri Jisus am kitaakon nilo i Jisus maa' raginio kumambong ra ulun bolou no.

LUKAS 4:26

Kabalu' pana koson raginio, sala' ka ulun ru Jaudi nampaangayan ri Aki Kapuuno' ri Ilia. Pinoongoi io ayuk ra sangulun napuor ondo' sala' ka ulun ru Jaudi ra bandar Sarapat giu' ra pagun ru Sidon.

LUKAS 6:17

Paat ra mambusul i Jisus am rasul Nano intor ra bulur no am uog ilo ra rondo' limayak. Giu' i mokoondo' poyo masuang maamaya' Nano ra bokon. Masuang poyo ulun nakaratong intor ra titikop Judia, Jirusalim am bandar Tirus am Sidon, ondo' karuruo ti mamaar ra raat.

LUKAS 9:10

Saguli' rasul-rasul am pantunung ilo ri Jisus ra ngaangai' binaal nilai. Ibito' ilo ri Jisus ra rondo' intok masiluk mamaar ra pekan Bitsaida.

JUANIS 1:44

Intor i Pilipus ra pekan Bitsaida, ioginio pamagunan ri Andrias am i Pitrus.)

JUANIS 12:21

Minongoi ilo uma' ri Pilipus am konilo, “Tuan, masaga' akai toojo tumuum ri Jisus.” (I Pilipus ti intor ra pamagunan Bitsaida, libung ru Galilia.)

RINALATAN 12:20

Mokoondo' kasisangan ru raja' Irodis ra ulun ru Tirus am Sidon. Ginio ra nababaya' ilo minuma' ra raja' Irodis. Ragui' nilo galing i Blastus, pagawai istana, koson makiindangan risilo. Kopongo ragili ongoi ilo uma' ri Irodis koson makimobonsoi riso, sabap ra pagun nilo makaalap ra akanon intor ra pagun ru raja' Irodis.

RINALATAN 27:3

Iosuabon, nakasuku' akai ra Sidon. Moonsoi pamakuan ri Julius no ri Paulus. Nangiou io riso muma' ra rangan nano ondo' masaga' mangani' riso ra atan ayuk kolondo' riso.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.