MATIUS 10:6 - Tanou Moonsoi Timugon

⁶ Kaa' ongoi kau ayuk ra ulun ru Israil, domba ondo' timinanggau.

MATIUS 10:6 ပူးပေါင်းရင်းမြစ်များ

MAZMUR 119:176

Tumanggau aku koson ra domba nakalayau; am ratong no paguyum ra ulipon Mutu, sabap ra kalo lilianin ku ukum Muno.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

YEHEZKIEL 34:4

Kalo babason min ondo' malawo, kapoam mamabas ra ondo' marualan, kapoam mamangkos ra ondo' napilat, kapoam magibit muli' ondo' nakalayau kapoam maguyum ra ondo' natatak. Kaa' malaat boo pamakuan min ra ngaangai' domba no.

YEHEZKIEL 34:6

Domba-domba Kuno pana timinanggau boo ra bulur am gunung, nantutuliar ra tana' ti. Kolondo' sangulun pana naguyum kapoam minirot koson mokoowot ra domba-domba no.

YEHEZKIEL 34:8

Sabap ra Aku, i Aki Kapuuno' ondo' maayag, rongogo' ragu Kuno. Domba-domba Kuno sinaam am pinatoi, am niayuk inakan ru bibiag masigo sabap ra kolondo' magagalung ondo' magalung ra domba-domba no. Akau magagalung Ku kalo mirot maguyum ra domba-domba no. Alungin min kaatangan galama', sala' ka kaatangan ru domba-domba Kuno.

MATIUS 18:10

“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [

MATIUS 18:11

Sabap ra Anak ru Ulun minatong mamayag ra ulun timinanggau.]

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

RINALATAN 13:46

Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

1 PITRUS 2:25

Ragili, koson kau ra domba ondo' timinanggau, kaa' raino inibit kano sumaguli' koson maya' kau ra Magagalung am Mangngampin min.