MATIUS 10:5 - Tanou Moonsoi Timugon

⁵ Susubo' ri Jisus mopor am ruo ngaulun rasul no am pambilin Io risilo koson ragitio: “Pai' kano ongoi ra libung ru ulun sala' ka Jaudi kapoam pekan ru ulun ru Samaria.

MATIUS 10:5 ပူးပေါင်းရင်းမြစ်များ

MATIUS 22:3

Raja' ti panusub ra ulipon-ulipon nano mongoi pambala' ra tambului ra binalaan nali matong ra bunsag ti. Kaa' ulun-ulun raginio kalo masaga' matong.

MATIUS 4:15

“Libung ru Jibulon am Naptali, sandaup ru Sungoi Jordan pansailan mongoi ra raat, Galilia, libung ru ulun sala' ka Jaudi.

MARKUS 6:7

Piawo' No mopor am ruo ngaulun maamaya' Nano am susubo' No ilo tumaruruo. Inanian No ilo ra kuasa' mapagiru' ra riwato,

LUKAS 10:1

Pampili' boo i Jisus ra tulu' ngoopor am ruo ngaulun poyo maamaya'. Susubo' No ilo tumaruo sumigulu intor Riso mongoi ra moonong bandar am intok apitan Nano.

LUKAS 10:33

Kaa' mokoondo' sangulun intor ra libung ru Samaria nansail ra giu' i. Kakito no ulun i, makaasi' io kaga' riso.

LUKAS 17:16

Igulatur io ra tuma' ru kalayam ri Jisus am naringkuanang io. Ulun io ru Samaria.

LUKAS 9:1

Piawo' ri Jisus mopor am ruo ngaulun maamaya' Nano. Anii' No ilo ra kapandayan am kuasa' mampagiru' ra riwato am mamabas ra ulun marualan.

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

JUANIS 17:18

Sinusub Ku ilo mampatanou ra ulun ru tana' ti, koson Aku sinusub Mu.

JUANIS 20:21

Indagu poyo i Jisus risilo, “Kaansayan ramuyun. Koson ri Ama' nanusub Raki', Aku pana manusub ramuyun.”

JUANIS 4:20

Kinamatuaan maili siminamba ri Aki Kapuuno' ra bulur ti, kaa' akau ulun ru Jaudi mindagu ra giu' ra bandar Jirusalim ayuk intok sumamba ri Aki Kapuuno'.”

JUANIS 4:5

Pakasuku' Io ra pekan Sikar, giu' ra libung ru Samaria, mamaar ra sampila' tana' ondo' pinataakan ri Jakub ra anak nali i Jusup ra galing i.

JUANIS 4:9

Kaa' taamo' Io ru ruandu' no, “Okou ulun ru Jaudi am aku ulun ru Samaria; kua pakitaak Kou raki' ra inumon?” (Ulun ru Jaudi kalo lumatok ra ulun ru Samaria.)

JUANIS 7:35

Tingganai ru ulun ru Jaudi nagindagu ra rondo' am bokon, “Ati nua' angayan Nano saboi kalo makatuum takau Riso? Mongoi Io kia ra ulun ru Jaudi ondo' liminatok ayan ra bandar ru ulun ru Junani? Mongoi Io kia pangila' ra ulun ru Junani?

JUANIS 8:48

Taam ilo Riso, “Motopot ragu mai ra Okou ti noyo ulun ru Samaria ondo' sinubol ru riwato.”

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 10:45

Ulun ru Jaudi ondo' nangintopot ri Jisus, am ondo' minaya' ri Pitrus intor ra Jopi, nangimuag nagilong ri Aki Kapuuno' mangani' ra Ambiluo Nano ra ulun sala' ka Jaudi niayuk.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.