MATIUS 10:4 - Tanou Moonsoi Timugon

⁴ i Simon ulun Patriot no, am i Judas Iskariot ondo' nampataak ri Jisus ra pantula' Nano.

MATIUS 10:4 ပူးပေါင်းရင်းမြစ်များ

MATIUS 26:14

Sangulun intor ra mopor am ruo maamaya' ri Jisus, ondo' ininggalanan i Judas Iskariot, minuma' boo ra tingganai-tingganai imam Jaudi am indagu,

MATIUS 26:15

“Atan panganian min raki' amon ru pataakin ku i Jisus ramuyun?” Panguntob ilo talu ngoopor ruit pirok am taaki' ri Judas.

MATIUS 26:2

“Koson raino nakapandai kau, ruo ngoorou poyo Pangiantakan ra Paska am Anak ru Ulun pataakin ra salipon!”

MATIUS 26:47

Liliwa' i Jisus lakat ayuk poyo mindagu, ratong i Judas nabaya' ra ulun masuang ondo' nagibit ra ilang am lalamba'. Sinusub ilo ru tingganai-tingganai imam Jaudi am tingganai-tingganai ru ulun ru Jaudi.

MATIUS 27:3

Paat ri Judas, ondo' nampataak ri Jisus ra pantula' Nano, nakakito ri Jisus inukuman ra potoyon, pansagulian boo guang nano. Alapo' no boo ruit pirok no ongoyo' pasagulio' ra tingganai imam Jaudi am tingganai ru ulun ru Jaudi no.

MARKUS 14:10

Ugar boo i Judas Iskariot, sangulun intor ra mopor am ruo ngaulun maamaya' ri Jisus no, tumuum ra tingganai imam Jaudi sabap ra guang nano mampataak ri Jisus risilo.

MARKUS 14:43

Lakat ayuk poyo i Jisus mindagu, ratong i Judas. Io ti sangulun intor ra koopor am ruo ngaulun maamaya' ri Jisus. Minatong io nababaya' ra ulun masuang ondo' nagibit ra ilang am tataun lalamba'. Sinusub ilo ru tingganai imam Jaudi, mangingila' ra Ukum ri Musa am tingganai ru ulun ru Jaudi no.

LUKAS 22:3

I Judas, ondo' sabiton ri Iskariot, sinubol ru Tingganai ru riwato. I Judas ti sangulun intor ra mopor am ruo ngaulun maamaya' ri Jisus.

LUKAS 22:47

Tatanga' i Jisus lakat ayuk poyo minindagu, ratong sampulalai ru ulun masuang. I Judas, sangulun intor ra mopor am ruo ngaulun maamaya' ri Jisus no, siminigulu risilo. Alaki' boo ri Judas i Jisus.

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 6:64

Kaa' mokoondo' niayuk kukula' ngaulun intor ramuyun ondo' kalo mangintopot.” (Natutunan noyo ri Jisus intor ra talimpuun i, osoi kalo mangintopot Riso am osoi mampataak Riso ra pantula' Nano.)

JUANIS 6:71

I Judas kon Nati, anak ri Simon Iskariot. Sabap ra kabalu' pana io sangulun intor ra mopor am ruo ngaulun maamaya' ri Jisus, kaa' mampataak io ri Jisus ra pantula' Nano ra tauli no.

RINALATAN 1:13

Giu' ra Jirusalim minongoi ilo ra baloi inayanan nilo, am pagaloi ilo boo ra lamin ra rasawat. Rasul-rasul no am i Pitrus, Juanis, Jakubus am i Andrias, i Pilipus am i Tomas, i Bartolomius am i Matius, i Jakubus anak ri Alpius, i Simon ulun Patriot am i Judas anak ri Jakubus.