MATIUS 10:39 - Tanou Moonsoi Timugon

³⁹ Osoi ayuk kalo masaga' mampataak ra kaayagan nano, io no matatakan ra kaayagan motopot; kaa' osoi ayuk mampataak ra kaayagan nano sabap ra Aku, makaalap io ra kaayagan motopot.”

MATIUS 10:39 ပူးပေါင်းရင်းမြစ်များ

LUKAS 17:33

Osoi ayuk kalo masaga' mampataak ra kaayagan no, io no matatakan ra kaayagan ondo' motopot; kaa' osoi ayuk mampataak ra kaayagan no makaalap ra kaayagan ondo' motopot.”

LUKAS 9:24

Ulun ondo' masaga' maya' ra kasagaan nano galama' kalo makaalap ra kaayagan mantilayun. Kaa' ulun ondo' mampataak ra kaayagan nano, arati' no gumagaya' io Raki', io no makaalap ra kaayagan mantilayun.

JUANIS 12:25

Ginio mogondo' niayuk ra osoi ayuk motogom ra kaayagan nano galama', matatakan io ra kaayagan nano. Kaa' osoi ayuk mampataak ra kaayagan no giti ra tana' ti, makaapu io ra kaayagan mantilayun.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.