MATIUS 10:32 - Tanou Moonsoi Timugon

³² “Osoi ayuk mangiou ra saang ru ulun ra io maamaya' Raki', Aku pana mangiou niayuk riso ra saang ru Ama' Kuno giu' ra suruga'.

MATIUS 10:32 ပူးပေါင်းရင်းမြစ်များ

MAZMUR 119:46

Potonowon ku panusuban inatang Muno ra ngaangai' raja', am kalo boo tauyuon aku.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.