MATIUS 10:26 - Tanou Moonsoi Timugon

²⁶ “Pai' no kalaa' ra ulun raginilo sabap ra atan ondo' nolopot bungkalaron am moonong ondo' inopot pasalulaan.

MATIUS 10:26 ပူးပေါင်းရင်းမြစ်များ

AMSAL 10:9

Ulun mabanis guang, kaayagan nano kalinuos ayuk; ulun ra mamparuung pupus no mapandayan niayuk.

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

YEHEZKIEL 2:6

Kaa' okou, ulun ondo' mapandai matoi, pai' kalaa' risilo kapoam atan ayuk ondo' raguon nilo. Anggalon am asabin nilo okou. Malimanan mu koson maayag ra tatanga' ru lingait. Kabalu' pana raginio, pai' kalaa' ra ulun-ulun gumuor no, kapoam atan ayuk ondo' raguon nilo.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MARKUS 4:22

Atan ayuk ondo' nakasibuni paintalangon, am atan ayuk ondo' nolopot bungkalaron.

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

LUKAS 8:17

“Atan ayuk nasibuni, paintalangon am atan ayuk kalo igondo' pinabala' ra ulun pabalaan am mapandayan.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 4:13

Ulun ru Majlis Ugama nangimuag magilong ra kinabaani ri Pitrus am i Juanis, am poyo katutuni' nilo karuo rasul ti sala' ka ulun maatang am kolondo' sikul. Katutuni' nilo boo ruo ngaulun rasul ti rangan toojo ri Jisus.

RINALATAN 4:19

Kaa' taam i Pitrus am i Juanis, “Guango' min galama' atan motopot ra pagilangan ri Aki Kapuuno': Gumagaya' ramuyun kia kapoam gumagaya' ri Aki Kapuuno'?

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

1 PITRUS 3:14

Kaa' amon ru imboloon kau sabap ra mambaal kau ra motopot, pakaansuk kano. Pai' kano kalaa' ra osoi ayuk pana am pai' pagalabo poyo.