MATIUS 10:23 - Tanou Moonsoi Timugon

²³ Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MATIUS 10:23 ပူးပေါင်းရင်းမြစ်များ

JIRIMIA 26:21

Paat ra Raja' Joyakim nababaya' ra saujor-saujor am pagawai-pagawai nano nokorongog ra ragu ri Uria no, mirot raja' no mamatoi riso. Kaa' norongog i Uria baal raginio, io pana nagiru' ra nalaa' am ongoi ra Misir.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 2:13

Pakaugar magugulig ra butitin no am paginupi i Jusup. Pulusat ru sangulun malaikat ru Tuhan am indagu riso, “Sukal no, ibito' magina' no magiru' mongoi ra pagun ru Misir. Ayan kano ra giu' no saboi aku mambala' ramuyun saguli'. Uyumon ru raja' Irodis lalaing no koson potoyon no!”

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

MATIUS 23:36

Balain takamin: Ukum ru ngaangai' raginio paratuon ra ulun ra raino ti!”

MATIUS 24:27

Sabap ra Anak ru Ulun rumatong koson ra ganit suminda ra ngaangai' limbowon intor ra sirangon suku' ra kalasaan.

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 24:34

Karaa' min! Ngaangai' baal raginio masauk ra kalo poyo matoi ngaangai' ulun ondo' maayag ra raino ti.

MATIUS 24:48

Kaa' amon ru ulipon ti ulun malaat, mampaguang io, ‘Mabuoi tuan kuli sumaguli'.’

MATIUS 25:13

Pupusi' boo ri Jisus abig ragitio ra; “Kaa' akau, ilalai', sabap ra kalo napandayan min orou kapoam paat ratangan ru Anak ru Ulun no!”

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MATIUS 4:12

Pakaining i Jisus ra i Juanis ti inaput, ugar Io ongoi ra libung ru Galilia.

MARKUS 13:26

Paat raginio, makito Anak ru Ulun matong ralalom ru gaun mabaya' ra kuasa' am katulayan Nano.

LUKAS 18:8

Balain takamin, salasayon niayuk ri Aki Kapuuno' ra mataki'! Kaa' paat ra Anak ru Ulun no matong, mokoondo' kia ulun mangintopot Riso?”

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:14

Ulun Kristian ra giu' no mataki' nangator boo i Paulus mongoi ra nagas ru raat. Kaa' i Silas am i Timotius soroi ra bandar i.

RINALATAN 20:1

Pakalinos boo bandar Ipisus i, timungo' ri Paulus ulun Kristian am pambilin io koson mampaikang ra pangintapatan nilai. Ugar io boo ongoi ra Makidonia.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.