MATIUS 10:2 - Tanou Moonsoi Timugon

² Gitio noyo inggalan ru mopor am ruo ngaulun rasul Nano: Kasaa'; i Simon (ondo' poyo sabiton ri Pitrus) am pinongkotob nano i Andrias; i Jakubus am pinongkotob nano i Juanis, ilo ti anak ri Jibidius;

MATIUS 10:2 ပူးပေါင်းရင်းမြစ်များ

MATIUS 17:1

Kopongo onom ngoorou ibito' ri Jisus i Pitrus, i Jakubus am pinongkotob nano i Juanis, pagaloi ra rondo' gunung.

MATIUS 20:20

Kopongo ragili andu' ri Jibidius ilo sangangaina' minuma' ri Jisus am igulatur Riso ra mokoondo' kitaakon nano.

MATIUS 26:37

Inibit ri Jisus i Pitrus am karuo anak ri Jibidius. Mangiluk toojo guang ri Jisus am malimanan No kaimbalaan.

MATIUS 4:18

Paat ri Jisus nangkiralan ra kiing ru Tasik Galilia, kakito No ruo ngaulun magaka', ioginio i Simon (ondo' poyo ininggalanan ri Pitrus) am boborok nano, i Andrias. Ilo ti namparalo ra tasik no.

MATIUS 4:21

Paginjul poyo i Jisus, am kakito No poyo ruo ngaulun magaka', ioginio i Jakubus am i Juanis, anak ri Jibidius. Ilo am ama' nilono soroi ralalom ru parau momongo ra ralo. Piawo' ilo ri Jisus.

MARKUS 1:29

Iruani' ri Jisus am maamaya' Nano baloi sambayangan no am parayus ongoi ra baloi ri Simon am Andrias. I Jakubus am i Juanis minaya' risilo.

MARKUS 13:3

Pakasuku' i Jisus ra Bulur Jaitun ondo' kalo maalur intor ra Baloi Tuhan, panturung Io am ratong boo i Pitrus, Jakubus, Juanis am i Andrias koson mangkuot Riso. Paat ragili naluluur ilo ayuk.

MARKUS 6:30

Rasul-rasul no timinimung saguli' ri Jisus am nambala' Riso ondo' ngaangai' kinandoi am inila' nilo i.

LUKAS 11:49

Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’

LUKAS 22:14

Kasuku' pagakanan ru Paska no, nantulibung i Jisus am rasul-rasul Nano ra rondo' mija'.

LUKAS 22:8

Panusub i Jisus ri Pitrus am i Juanis, indagu Io, “Ongoyo' min pongoono' kalalair intok pagakanan takau ra Paska.”

LUKAS 5:10

Rangan-rangan ri Simon pana naliangan. Ilo ti am i Jakubus am i Juanis, karuruo ti anak ri Jibidius. Indagu i Jisus ri Simon, “Pai' kalaa'! Intor raino mangkimait kou ra ulun mangintopot Raki'.”

LUKAS 9:10

Saguli' rasul-rasul am pantunung ilo ri Jisus ra ngaangai' binaal nilai. Ibito' ilo ri Jisus ra rondo' intok masiluk mamaar ra pekan Bitsaida.

JUANIS 12:22

Ongoi balai' ri Pilipus i Andrias, am ongoi ilo pambala' ri Jisus.

JUANIS 13:23

Sangulun intor ra maamaya' ri Jisus nanturung ra sapapa' Nano, io ti noyo ondo' tagamin ri Jisus.

JUANIS 20:2

Ginio ra nagisimbul io mongoi ri Simon Pitrus am maamaya' ondo' tagamin ri Jisus am pambala' risilo, “Inalap boo Tuhan i intor ra lobong, am kalo nakapandai akai ati nampabantaan Riso.”

JUANIS 21:2

Timinimung poyo i Simon Pitrus, i Tomas (ondo' sabiton ri Nagapir), i Natanil (intor ra pamagunan Kana ra libung Galilia), anak-anak ri Jibidius, am niayuk ruo ngaulun maamaya' ri Jisus ra bokon i.

JUANIS 21:20

Pangkaili i Pitrus am kakito no maamaya' ondo' tagamin ri Jisus i siminunu' risilo. Io noyo ondo' nakainggaar Riso paat ra ilo nagagakan am nangkuot, “Tuhan, osoi kia mampataak Rirun ra pantula' Muno?”

JUANIS 21:24

Maamaya' raginio noyo ondo' nampaintutun ra nasauk ti am nanulis noyo ragitio, am nakapandai takau ra motopot kaintutunan nano.

JUANIS 6:67

Ginio ra pangkuot i Jisus ra mopor am ruo ngaulun maamaya' Nano, “Akau pana, masaga' kau kia mangiruan Raki'?”

JUANIS 6:70

Indagu boo i Jisus risilo, “Kabalu' pana Aku noyo nampili' ramuyun mopor am ruo ngaulun ringai', kaa' sangulun intor ramuyun no riwato.”

JUANIS 6:71

I Judas kon Nati, anak ri Simon Iskariot. Sabap ra kabalu' pana io sangulun intor ra mopor am ruo ngaulun maamaya' ri Jisus, kaa' mampataak io ri Jisus ra pantula' Nano ra tauli no.

JUANIS 6:8

Indagu poyo sangulun maamaya' Nano ra bokon, i Andrias, pinongkotob ri Simon Pitrus, kono,

RINALATAN 1:13

Giu' ra Jirusalim minongoi ilo ra baloi inayanan nilo, am pagaloi ilo boo ra lamin ra rasawat. Rasul-rasul no am i Pitrus, Juanis, Jakubus am i Andrias, i Pilipus am i Tomas, i Bartolomius am i Matius, i Jakubus anak ri Alpius, i Simon ulun Patriot am i Judas anak ri Jakubus.

RINALATAN 1:26

Kopongo ragili pagugundi' ilo am kapili' i Matias masauk ra rasul, koson maya' ra mopor am rondo' rasul ra bokon i.

RINALATAN 12:2

Nanusub io ra i Jakubus, maayo ri Juanis, potoyon ra ilang.

RINALATAN 3:1

Paat ra sangarawan i Pitrus am i Juanis minongoi ra Baloi Tuhan paat ra jam katalu ra mamai', ginio nakaintuma' ra pakiasian mamai'.

1 KORINTUS 15:7

Kopongo ragili minintalang Io poyo ri Jakubus am tauli no ra ngaangai' ru rasul-rasul Nano.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

1 PITRUS 1:1

Aku i Pitrus, sangulun rasul ri Jisus Kristus. Posoboyon ku gitio ra ulun Kristian ondo' nakapansusuai giu' ra libung ru Pontus, Galatia, Kapadokia, Asia am Bitinia!

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

2 JUANIS 1:1

Okou ina' ondo' pinili' ri Aki Kapuuno' am niayuk akau anak-anak nano. Aku magagalung ra pasimpungan ulun Kristian ondo' topot-topot motogom ramuyun. Sala' ka aku ayuk sangulun kaa' ngaangai' ulun ondo' makaulig ra katapatan motogom ramuyun.

3 JUANIS 1:1

Pabukat kuno i Gayus, ondo' tagamin kuno! Aku magagalung ra pasimpungan ulun Kristian ondo' topot-topot motogom rirun.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,

PINAINTALANG 1:9

Aku, i Juanis, pabukat min ondo' nogondo' niayuk ramuyun maimbolo' sabap ra gumagaya' ri Jisus, am maginaa poyo ra ratangan ru pamarintaan Nano ra guang mataan. Inaput aku ra Pulu' Patmos sabap ra mampatanou ra bala' ri Aki Kapuuno' am ra katapatan ondo' pinakito ri Jisus.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 22:8

Aku i Juanis, nokorongog am nakakito aku noyo ra ngaangai' ragitio. Pokorongog am pakakito aku raginii, pakalaub aku ra kalayam ru malaikat ondo' nampakito noyo ra ngaangai' ti raki'. Sumamba aku raan riso