MATIUS 10:17 - Tanou Moonsoi Timugon

¹⁷ Ilalai' min, sabap ra mokoondo' ulun mamparakop am magibit ramuyun giu' ra makama, am loposon kau giu' ra baloi sambayangan nilo.

MATIUS 10:17 ပူးပေါင်းရင်းမြစ်များ

MIKA 7:5

Pai' no pangintopot ra sambalayan min kapoam rangan min. Ilalain ra mindagu, kabalu' pana ra andu' muno.

MATIUS 10:18

Akimin kau ra saang ru tingganai-tingganai ru ulun am niayuk raja'-raja' sabap ra akau mangintopot Raki', am mampatanou kau boo ra Tanou Moonsoi no risilo am poyo ra ulun sala' ka Jaudi.

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

MATIUS 26:59

Tingganai-tingganai imam Jaudi am ngaangai' Majlis Ugama no maguyum toojo ra sasi' koson mangkinam mamparuung ri Jisus, maa' raginio maalap nilo boo Io kapatoi.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MARKUS 13:12

Sangulun mampataak ra pongkotob koson ra papatayin. Ama' niayuk mambaal koson raginio ra anak nano galama', am anak-anak manggal ra matuo nilo suku' papatayin.

MARKUS 13:9

Ilalai' min, rokopon am ibiton kau ra intok pamisaraan. Lambaan kau giu' ra baloi sambayangan. Ongoyon kau paumaa' ra tingganai-tingganai am raja'-raja', sabap ra akau maamaya' Kuno, am koson raginio akau mampaintutun risilo ra Tanou Moonsoi intor Raki'.

LUKAS 12:11

Paat ra salasayon kau ra saang ru gabenor, kapoam giu' ra baloi sambayangan, pai' kau pagalabo ra ati kulaan akau tumaam kapoam atan paraguon mino.

JUANIS 11:47

Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

RINALATAN 17:14

Ulun Kristian ra giu' no mataki' nangator boo i Paulus mongoi ra nagas ru raat. Kaa' i Silas am i Timotius soroi ra bandar i.

RINALATAN 22:19

Kaa, taam aku, ‘Tuhan, nakatutun ilo ra aku noyo ondo' minongoi ra ati ayuk baloi sambayangan am namparakop am napalamba' ra ulun ondo' mangintopot Rirun.

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.

PILIPI 3:2

Koson ilalain min uku' masangit no, pagilalai' min poyo ulun-ulun ondo' mampakalayau ayuk, ondo' lakat ayuk poyo mampajajou ra ulun sunatin, koson ra tatandu' ilo ti toojo makaulig ri Aki Kapuuno'.

2 TIMOTIUS 4:15

Ilalain mu io ti, sabap ra anggalon no toojo pangilaan takati.

IBRANI 11:36

Mokoondo' poyo inasaban am linapos, am mokoondo' binangkil am inaput.